호흡부호 보기
강세부호 보기
장단부호 보기
작은 Iota 보기
모든 부호 보기
εἰ δὲ δεῖ μηδὲ τὰ μικρὰ τῶν ἠθῶν σημεῖα παραλιπεῖν ὥσπερ εἰκόνα ψυχῆσ ὑπογραφομένουσ, λέγεται, τότε πολλὴν ἅμιλλαν καὶ μέγαν ἀγῶνα πρὸσ τὸν Κάτωνα τοῦ Καίσαροσ ἔχοντοσ καὶ τῆσ βουλῆσ εἰσ ἐκείνουσ ἀνηρτημένησ, δελτάριόν τι μικρὸν ἔξωθεν εἰσκομισθῆναι τῷ Καίσαρι. τοῦ δὲ Κάτωνοσ εἰσ ὑποψίαν ἄγοντοσ τὸ πρᾶγμα καὶ διαβάλλοντοσ εἶναί τινασ τοὺσ κινουμένουσ, καὶ κελεύοντοσ ἀναγινώσκειν τὰ γεγραμμένα, τὸν Καίσαρα τῷ Κάτωνι προσδοῦναι τὸ δελτάριον ἐγγὺσ ἑστῶτι. καὶ πάλιν οὕτωσ ἐπὶ τὸν ἐξ ἀρχῆσ λόγον τραπέσθαι.
φαίνεται δὲ ὅλωσ ἀτύχημα γενέσθαι τοῦ Κάτωνοσ ἡ γυναικωνῖτισ αὕτη μὲν γὰρ ἐπὶ Καίσαρι κακῶσ ἤκουσε·
τὰ δὲ τῆσ ἑτέρασ Σερβιλίασ, ἀδελφῆσ δὲ Κάτωνοσ, ἀσχημονέστερα. Λευκόλλῳ γὰρ γαμηθεῖσα, πρωτεύσαντι Ῥωμαίων κατὰ δόξαν ἀνδρί, καὶ τεκοῦσα παιδίον ἐξέπεσε τοῦ οἴκου δι’ ἀκολασίαν. τὸ δὲ αἴσχιστον, οὐδ’ ἡ γυνὴ τοῦ Κάτωνοσ Ἀτιλία τοιούτων ἐκαθάρευσεν ἁμαρτημάτων, ἀλλὰ καίπερ ἐξ αὐτῆσ δύο παιδία πεποιημένοσ ἀνάγκην ἔσχεν ἐκβαλεῖν ἀσχημονοῦσαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기