호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ καλουμένη Πορκία βασιλικὴ τιμητικὸν ἦν ἀνάθημα τοῦ παλαιοῦ Κάτωνοσ, εἰωθότεσ οὖν ἐκεῖ χρηματίζειν οἱ δήμαρχοι, Καὶ κίονοσ τοῖσ δίφροισ ἐμποδὼν εἶναι δοκοῦντοσ, ἔγνωσαν ὑφελεῖν αὐτὸν ἢ μεταστῆσαι. τοῦτο Κάτωνα πρῶτον εἰσ ἀγορὰν ἄκοντα προήγαγεν· ἀντέστη γὰρ αὐτοῖσ, Καὶ πεῖραν ἅμα τοῦ λόγου Καὶ τοῦ φρονήματοσ δούσ ἐθαυμάσθη. καὶ γὰρ ὁ λόγοσ νεαρὸν μὲν οὐδὲν οὐδὲ κομψὸν εἶχεν, ἀλλ’ ἦν ὄρθιοσ Καὶ περιπληθὴσ Καὶ τραχύσ, οὐ μὴν ἀλλὰ Καὶ χάρισ ἀγωγὸσ ἀκοῆσ ἐπέτρεχε τῇ τραχύτητι τῶν νοημάτων, Καὶ τὸ ἦθοσ αὐτοῦ καταμιγνύμενον ἡδονήν τινα Καὶ μειδίαμα τῷ σεμνῷ παρεῖχεν οὐκ ἀπάνθρωπον.
ἡ δὲ φωνὴ μεγέθει μὲν ἀποχρῶσα Καὶ διαρκὴσ εἰσ τοσοῦτον ἐξικέσθαι δῆμον, ἰσχὺν δὲ Καὶ τόνον ἄρρηκτον εἶχε Καὶ ἄτρυτον· ἡμέραν γὰρ ὅλην εἰπὼν πολλάκισ οὐκ ἀπηγόρευσε. τότε δ’ οὖν κρατήσασ τῆσ δίκησ πάλιν ἑαυτὸν εἰσ τὴν σιωπὴν Καὶ τὴν ἄσκησιν συνέστειλε·
καὶ διεπόνει τὸ σῶμα γυμνασίοισ ἐνεργοῖσ, ἐθιζόμενοσ ἀνέχεσθαι Καὶ καύματα Καὶ νιφετὸν ἀκαλύπτῳ κεφαλῇ, Καὶ βαδίζειν ἐν ταῖσ ὁδοῖσ πᾶσαν ὡρ́αν ἄτερ ὀχήματοσ, τῶν δὲ φίλων οἱ συνεκδημοῦντεσ ἵπποισ ἐχρῶντο, Καὶ πολλάκισ ἑκάστῳ παρέβαλλεν ὁ Κάτων ἐν μέρει προσδιαλεγόμενοσ, περιπατῶν αὐτὸσ ὀχουμένων. θαυμαστῇ δὲ Καὶ περὶ τὰσ νόσουσ ὑπομονῇ μετ’ ἐγκρατείασ ἐχρῆτο· πυρέττων γὰρ μόνοσ ἐφ’ ἑαυτοῦ διημέρευε μηδένα προσιέμενοσ, ἄχρι οὗ βέβαιον αἴσθοιτο ῥᾳστώνην καὶ μεταβολὴν τοῦ νοσήματοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기