Plutarch, Bruta animalia ratione uti, chapter, section 1

(플루타르코스, Bruta animalia ratione uti, chapter, section 1)

Ὀδυσσεύσ. ταῦτα μέν, ὦ Κίρκη, μεμαθηκέναι δοκῶ καὶ διαμνημονεύσειν· ἡδέωσ δ’ ἄν σου πυθοίμην, εἴ τινασ ἔχεισ Ἕλληνασ ἐν τούτοισ, οὓσ λύκουσ καὶ λέοντασ ἐξ ἀνθρώπων πεποίηκασ.

Κίρκη.

καὶ πολλούσ, ὦ ποθούμεν’ Ὀδυσσεῦ. πρὸσ τί δὲ τοῦτο ἐρωτᾷσ; οδ.

ὅτι νὴ Δία καλὴν ἄν μοι δοκῶ γενέσθαι φιλοτιμίαν πρὸσ τοὺσ Ἕλληνασ, εἰ χάριτι σῇ λαβὼν τούτουσ, αὖθισ εἰσ ἀνθρώπουσ ἑταίρουσ ἀνασώσαιμι καὶ μὴ περιίδοιμι καταγηράσαντασ παρὰ φύσιν ἐν σώμασι θηρίων, οἰκτρὰν καὶ ἄτιμον οὕτω δίαιταν ἔχοντασ. κιρ.

οὗτοσ ὁ ἀνὴρ οὐχ αὑτῷ μόνον οὐδὲ τοῖσ ἑταίροισ, ἀλλὰ τοῖσ μηδὲν προσήκουσιν οἰέται δεῖν ὑπ’ ἀβελτερίασ συμφορὰν γενέσθαι τὴν αὑτοῦ φιλοτιμίαν. οδ.

ἕτερον αὖ τινα τοῦτον, ὦ Κίρκη, κυκεῶνα 20 λόγων ταράττεισ καὶ ὑποφαρμάττεισ, ἐμὲ γοῦν ἀτεχνῶσ ρατιονε δτι; ποιοῦσα θηρίον, εἰ πείσομαί σοι ὡσ συμφορὰ ἐστιν ἄνθρωπον ἐκ θηρίου γενέσθαι. κιρ. καὶ γραῦν ἤδη διὰ μυρίων ἔτι κακῶν σπεύδεισ, ὡσ δὴ περίβλεπτοσ ἐκ τούτου καὶ ὀνομαστὸσ ἔτι μᾶλλον ἢ νῦν γενησόμενοσ, κενὸν ἀγαθὸν καὶ εἴδωλον ἀντὶ τῆσ ἀληθείασ διώκων;

οδ.

ἐχέτω ταῦτα, ὡσ λέγεισ, ὦ Κίρκη τί γὰρ δεῖ πολλάκισ ζυγομαχεῖν ἡμᾶσ περὶ τῶν αὐτῶν; τούτουσ δέ μοι δὸσ ἀναλύσασα καὶ χάρισαι τοὺσ ἄνδρασ. κιρ Οὐχ οὕτω γ’ ἁπλῶσ, μὰ τὴν Ἑκάτην οὐ γὰρ οἱ τυχόντεσ εἰσίν· ἀλλ’ ἐροῦ πρῶτον αὐτούσ, εἰ θέλουσιν ἂν δὲ μὴ φῶσι, διαλεχθείσ, ὦ γενναῖε, πεῖσον· ἐὰν δὲ μὴ πείσῃσ, ἀλλὰ καὶ περιγένωνται διαλεγόμενοι, ἱκανὸν ἔστω σοι περὶ σεαυτοῦ καὶ τῶν φίλων κακῶσ βεβουλεῦσθαι.

οδ.

τί μου καταγελᾷσ, ὦ μακαρία; πῶσ γὰρ ἂν ἢ δοῖεν οὗτοι λόγον ἢ λάβοιεν, ἑώσ ὄνοι καὶ σύεσ καὶ λέοντέσ εἰσι; κιρ Θάρρει, φιλοτιμότατ’ ἀνθρώπων ἐγώ σοι παρέξω καὶ συνιέντασ αὐτοὺσ καὶ διαλεγομένουσ·

μᾶλλον δ’ εἷσ ἱκανὸσ ἔσται καὶ διδοὺσ καὶ λαμβάνων ὑπὲρ πάντων λόγον· ἰδού, τούτῳ διαλέγου.

οδ. καὶ τίνα τοῦτον, ὦ Κίρκη, προσαγορεύσομεν; ἢ τίσ ἦν οὗτοσ ἀνθρώπων; κιρ. τί γὰρ τοῦτο πρὸσ τὸν λόγον; ἀλλὰ καὶ κάλει αὐτόν, εἰ βούλει, Γρύλλον. ἐγὼ δ’ ἐκστήσομαι ὑμῖν, μὴ καὶ παρὰ γνώμην ἐμοὶ δοκῇ χαριζόμενοσ διαλέγεσθαι.

일치하는 문장이 없습니다.

SEARCH

MENU NAVIGATION