호흡부호 보기
강세부호 보기
장단부호 보기
작은 Iota 보기
모든 부호 보기
διὸ καὶ προθέμενοι πολλὰ τῶν γέρρων ἐτόξευον εἰσ τοὺσ Λακεδαιμονίουσ. οἱ δὲ τηροῦντεσ ἅμα τὸν συνασπισμὸν ἐπέβαινον, καὶ προσπεσόντεσ ἐξεώθουν τὰ γέρρα, καὶ τοῖσ δόρασι τύπτοντεσ πρόσωπα καὶ στέρνα τῶν Περσῶν πολλοὺσ κατέβαλλον, οὐκ ἀπράκτωσ οὐδὲ ἀθύμωσ πίπτοντασ. καὶ γὰρ ἀντιλαμβανόμενοι τῶν δοράτων ταῖσ χερσὶ γυμναῖσ συνέθραυον τὰ πλεῖστα, καὶ πρὸσ τὰσ ξιφουλκίασ ἐχώρουν οὐκ ἀργῶσ, ἀλλὰ ταῖσ τε κοπίσι καὶ τοῖσ ἀκινάκαισ χρώμενοι καὶ τὰσ ἀσπίδασ παρασπῶντεσ καὶ συμπλεκόμενοι χρόνον πολὺν ἀντεῖχον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기