Ancient Greek Text

Plutarch, Aratus, chapter 52

(플루타르코스, Aratus, chapter 52)

ὅτι γὰρ ἦν μεμιγμένον αἰσχύνῃ καὶ φόβῳ τὸ πρὸσ τὸν Ἄρατον αὐτοῦ πάθοσ ἀπ’ ἀρχῆσ συντεθραμμένον, ἐδήλωσεν οἷσ ἔπραξε περὶ αὐτόν, ἐπιθυμῶν γὰρ ἀνελεῖν τὸν ἄνδρα καὶ νομίζων οὐδ’ ἂν ἐλεύθεροσ ἐκείνου ζῶντοσ εἶναι, μή τί γε τύραννοσ ἢ βασιλεύσ, βίᾳ. μὲν οὐδὲν ἐπεχείρησε, Ταυρίωνα δὲ τῶν στρατηγῶν τινα καὶ φίλων ἐκέλευσεν ἀδήλῳ τρόπῳ τοῦτο πρᾶξαι, μάλιστα διὰ φαρμάκων, αὐτοῦ μὴ παρόντοσ, ὁ δὲ ποιησάμενοσ τὸν Ἄρατον συνήθη φάρμακον αὐτῷ δίδωσιν, οὐκ ὀξὺ καὶ σφοδρόν, ἀλλὰ τῶν θέρμασ τε μαλακὰσ τὸ πρῶτον ἐν τῷ σώματι καὶ βῆχα κινούντων ἀμβλεῖαν, εἶτα οὕτωσ κατὰ μικρὸν εἰσ φθορὰν περαινόντων. οὐ μὴν ἔλαθέ γε τὸνἌρατον ἀλλ’ ὡσ οὐδὲν ἦν ὄφελοσ ἐλέγχοντι, πράωσ καὶ σιωπῇ τὸ πάθοσ, ὡσ δή τινα νόσον κοινὴν καὶ συνήθη νοσῶν, διήντλει.

"ὦ Κεφάλων, ἐπίχειρα τῆσ βασιλικῆσ φιλίασ.