Plutarch, Aratus, chapter 25

(플루타르코스, Aratus, chapter 25)

ὁρῶν δὲ τοὺσ ἀρίστουσ τῶν προσοίκων αὐτονομουμένουσ, Ἀργείοισ δὲ δουλεύουσιν ἀχθόμενοσ, ἐπεβούλευεν ἀνελεῖν τὸν τύραννον αὐτῶν Ἀριστόμαχον, ἅμα τῇ τε πόλει θρεπτήρια τὴν ἐλευθερίαν ἀποδοῦναι φιλοτιμούμενοσ καὶ τοῖσ Ἀχαιοῖσ προσκομίσαι τὴν πόλιν· οἱ μὲν οὖν τολμῶντεσ εὑρέθησαν, ὧν Αἰσχύλοσ προειστήκει καὶ Χαριμένησ ὁ μάντισ ξίφη δὲ οὐκ εἶχον, ἀλλ’ ἀπείρητο κεκτῆσθαι καὶ ζημίαι μεγάλαι τοῖσ κεκτημένοισ ἐπῆσαν ὑπὸ τοῦ τυράννου, κατασκευάσασ οὖν ὁ Ἄρατοσ αὐτοῖσ ἐν Κορίνθῳ μικρὰσ παραξιφίδασ ἐνέρραψεν εἰσ σάγματα·

καὶ ταῦτα περιθεὶσ ὑποζυγίοισ σκεύη τινὰ παρημελημένα κομίζουσιν εἰσ Ἄργοσ ἀπέστειλε. Χαριμένουσ δὲ τοῦ μάντεωσ προσλαβόντοσ ἐπὶ τὴν πρᾶξιν ἄνθρωπον, οἱ περὶ τὸν Αἰσχύλον ἠγανάκτησαν καὶ δι’ ἑαυτῶν ἔπραττον, τοῦ Χαριμένουσ καταγνόντεσ.

αἰσθόμενοσ δὲ ἐκεῖνοσ ὀργῇ κατεμήνυσε τοὺσ ἄνδρασ ἤδη βαδίζοντασ ἐπὶ τὸν τύραννον· ὧν οἱ πλεῖστοι φθάσαντεσ ἐξ ἀγορᾶσ ἀπέφυγον καὶ διεξέπεσον εἰσ Κόρινθον. οὐ μὴν ἀλλὰ χρόνου βραχέοσ διελθόντοσ ἀποθνῄσκει μὲν ὑπὸ δούλων Ἀριστόμαχοσ, ὑπολαμβάνει δὲ τὴν ἀρχὴν φθάσασ Ἀρίστιπποσ, ἐξωλέστεροσ ἐκείνου τύραννοσ, ὅσοι δὴ τῶν Ἀχαιῶν ἐν ἡλικίᾳ παρόντεσ ἔτυχον, τούτουσ ἀναλαβὼν ὁ Ἄρατοσ ἐβοήθει πρὸσ τὴν πόλιν ὀξέωσ, οἰόμενοσ εὑρήσειν τὰ τῶν Ἀργείων πρόθυμα.

τῶν δὲ πολλῶν ἤδη διὰ συνήθειαν ἐθελοδούλωσ ἐχόντων καὶ μηδενὸσ ἀφισταμένου πρὸσ αὐτόν, ἀνεχώρησεν ἔγκλημα κατεσκευακὼσ τοῖσ Ἀχαιοῖσ ὡσ ἐν εἰρήνῃ πόλεμον ἐξενηνοχόσι.

καὶ δίκην ἔσχον ἐπὶ τούτῳ παρὰ Μαντινεῦσιν, ἣν Ἀράτου μ̣ ὴ παρόντοσ Ἀρίστιπποσ εἷλε διώκων καὶ μνῶν ἐτιμήθη τριάκοντα, τὸν δὲ Ἄρατον αὐτὸν ἅμα καὶ μισῶν καὶ δεδοικώσ ἐπεβούλευεν ἀνελεῖν συνεργοῦντοσ Ἀντιγόνου τοῦ βασιλέωσ· καὶ πανταχοῦ σχεδὸν ἦσαν οἱ τοῦτο πράττοντεσ αὐτοῖσ καὶ καιρὸν ἐπιτηροῦντεσ.

ἀλλ’ οὐδὲν οἱο͂ν ἀληθινὴ καὶ βέβαιοσ εὔνοια φυλακτήριον ἀνδρὸσ ἄρχοντοσ, ὅταν γὰρ ἐθισθῶσιν οἵ τε πολλοὶ καὶ οἱ δυνατοὶ μὴ τὸν ἡγούμενον, ἀλλ’ ὑπὲρ τοῦ ἡγουμένου δεδιέναι, πολλοῖσ μὲν ὄμμασιν ὁρᾷ, διὰ πολλῶν δὲ ὤτων ἀκούει, καὶ προαισθάνεται τὰ γινόμενα.

. διὸ καὶ βούλομαι τὸν λόγον ἐπιστήσασ ἐνταῦθά που διεξελθεῖν περὶ τῆσ Ἀριστίππου διαίτησ, ἣν ἡ ζηλοτυπουμένη τυραννὶσ αὐτῷ καὶ ὁ τῆσ μακαρίασ καὶ περιβοήτου μοναρχίασ ὄγκοσ περιέθηκεν.

SEARCH

MENU NAVIGATION