헬라어 문장 검색 - Πλυταρ́Αρατυσ́17́

(플루타르코스, Aratus, chapter 17)

πᾶσι μὲν οὖν περιμάχητοσ ἦν ὁ τόποσ ἀεὶ καὶ βασιλεῦσι καὶ δυνάσταισ, ἡ δὲ Ἀντιγόνου σπουδὴ περὶ αὐτὸν οὐδὲν ἀπέλιπε πάθει τῶν ἐμμανεστάτων ἐρώτων, ἀλλ’ ὅλοσ ἀνήρτητο ταῖσ φροντίσιν ὅπωσ ἀφαιρήσεται δόλῳ τοὺσ ἔχοντασ, ἐπεὶ φανερῶσ ἀνέλπιστοσ ἦν ἡ ἐπιχείρησισ. αὐτὴν μὲν ᾑρήκει, τῷ παιδὶ χρησάμενοσ ὥσπερ ἄλλῳ τινὶ τῶν δελεασμάτων ἐπ’ αὐτῇ, τὸν δὲ τόπον οὐ προϊεμένησ, ἀλλ’ ἐγκρατῶσ φυλαττούσησ, ἀμελεῖν προσποιούμενοσ ἔθυε γάμουσ αὐτῶν ἐν Κορίνθῳ, καὶ θέασ ἐπετέλει καὶ πότουσ συνῆγε καθ’ ἡμέραν, ὡσ ἄν τισ μάλιστα παίζειν καὶ σχολάζειν τὴν διάνοιαν ὑφ’ ἡδονῆσ καὶ φιλοφροσύνησ ἀφεικώσ.

ἐπεὶ δὲ καιρὸσ ἦν, ᾄδοντοσ Ἀμοιβέωσ ἐν τῷ θεάτρῳ, παρέπεμπε τὴν Νίκαιαν αὐτὸσ ἐπὶ τὴν θέαν ἐν φορείῳ κεκοσμημένῳ βασιλικῶσ, ἀγαλλομένην τε τῇ τιμῇ καὶ πορρωτάτω τοῦ μέλλοντοσ οὖσαν.

γενόμενοσ δὲ τῆσ ὁδοῦ κατὰ τὴν ἐκτροπὴν τὴν ἄνω φέρουσαν, ἐκείνην μὲν ἐκέλευσε προάγειν εἰσ τὸ θέατρον, αὐτὸσ δὲ χαίρειν μὲν Ἀμοιβέα, χαίρειν δὲ τοὺσ γάμουσ ἐάσασ ἀνῄει πρὸσ τὸν Ἀκροκόρινθον ἁμιλλώμενοσ παρ’ ἡλικίαν καὶ κεκλεισμένην τὴν πύλην εὑρών, ἔκοπτε τῇ βακτηρίᾳ κελεύων ἀνοίγειν. οἱ δ’ ἔνδον ἀνέῳξαν καταπλαγέντεσ.

οὕτω δὲ τοῦ τόπου κρατήσασ, οὐ κατέσχεν αὑτόν, ἀλλ’ ἔπινε παίζων ὑπὸ χαρᾶσ ἐν τοῖσ στενωποῖσ, καὶ δι’ ἀγορᾶσ αὐλητρίδασ ἔχων καὶ στεφάνουσ περικείμενοσ, ἀνὴρ γέρων καὶ τηλικαύταισ πραγμάτων μεταβολαῖσ κεχρημένοσ, ἐκώμαζε δεξιούμενοσ καὶ προσαγορεύων τοὺσ ἀπαντῶντασ, οὕτωσ ἄρα καὶ λύπησ καὶ φόβου μᾶλλον ἐξίστησι καὶ σάλον παρέχει τῇ ψυχῇ τὸ χαίρειν ἄνευ λογισμοῦ παραγινόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aratus, chapter 17

(플루타르코스, Aratus, chapter 17)

상위

목록

SEARCH

MENU NAVIGATION