호흡부호 보기
강세부호 보기
장단부호 보기
작은 Iota 보기
모든 부호 보기
ἀναλαβὼν οὖν ἐνταῦθα τὴν δύναμιν ἐξώρμησε κώμῳ χρώμενοσ ἐφ’ ἡμέρασ ἑπτὰ διὰ τῆσ Καρμανίασ, αὐτὸν μὲν οὖν ἵπποι σχέδην ἐκόμιζον ὀκτώ, μετὰ τῶν ἑταίρων ὑπὲρ θυμέλησ ἐν ὑψηλῷ καὶ περιφανεῖ πλαισίῳ πεπηγυίασ εὐωχούμενον συνεχῶσ ἡμέρασ καὶ νυκτόσ· ἅμαξαι δὲ παμπληθεῖσ, αἱ μὲν ἁλουργοῖσ καὶ ποικίλοισ περιβολαίοισ, αἱ δ’ ὕλησ ἀεὶ προσφάτου καὶ χλωρᾶσ σκιαζόμεναι κλάδοισ, εἵποντο τοὺσ ἄλλουσ ἄγουσαι φίλουσ καὶ ἡγεμόνασ ἐστεφανωμένουσ καὶ πίνοντασ, εἶδεσ δ’ ἂν οὐ πέλτην, οὐ κράνοσ, οὐ σάρισαν, ἀλλὰ φιάλαισ καὶ ῥυτοῖσ καὶ θηρικλείοισ παρὰ τὴν ὁδὸν ἅπασαν οἱ στρατιῶται βαπτίζοντεσ ἐκ πίθων μεγάλων καὶ κρατήρων ἀλλήλοισ προέπινον, οἱ μὲν ἐν τῷ προάγειν ἅμα καὶ βαδίζειν, οἱ δὲ κατακείμενοι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기