호흡부호 보기
강세부호 보기
장단부호 보기
작은 Iota 보기
모든 부호 보기
ἐπελθόντων δὲ τῶν πολεμίων καὶ περιταφρευόντων τὴν πόλιν, αὖθισ αὖ δείσασ τὴν πολιορκίαν ὁ Αἰγύπτιοσ ἐβούλετο μάχεσθαι καὶ τοὺσ Ἕλληνασ μάλα συμπροθυμουμένουσ εἶχεν· οὐ γὰρ ἦν ἐν τῷ χωρίῳ σῖτοσ, ὁ δὲ Ἀγησίλαοσ οὐκ ἐῶν, ἀλλὰ κωλύων ἤκουε μὲν ἔτι μᾶλλον κακῶσ ἢ πρότερον ὑπὸ τῶν Αἰγυπτίων καὶ προδότησ ἀπεκαλεῖτο τοῦ βασιλέωσ, ἔφερε δὲ πρᾳότερον ἤδη τὰσ διαβολὰσ καὶ προσεῖχε τῷ καιρῷ τοῦ στρατηγήματοσ. ἦν δὲ τοιόνδε.
τάφρον ἔξωθεν ἦγον οἱ πολέμιοι περὶ τὸ τεῖχοσ βαθεῖαν ὡσ παντάπασιν ἀποκλείσοντεσ αὐτούσ, ὡσ οὖν ἐγγὺσ ἦσαν αἱ τελευταὶ τοῦ ὀρύγματοσ ἀπαντῶντοσ αὑτῷ καὶ περιϊόντοσ ἐν κύκλῳ τὴν πόλιν, ἑσπέραν ἀναμείνασ γενέσθαι καὶ κελεύσασ ἐξοπλίζεσθαι τοὺσ Ἕλληνασ ἔλεγεν ἐλθὼν πρὸσ τὸν Αἰγύπτιον· "ὁ μὲν τῆσ σωτηρίασ, ὦ νεανία, καιρὸσ οὗτόσ ἐστιν, ὃν ἐγὼ διαφθεῖραι φοβούμενοσ οὐκ ἔφραζον πρὶν ἐλθεῖν. ἐπεὶ δὲ ἡμῖν οἱ πολέμιοι τὴν ἀσφάλειαν αὐτοὶ διὰ τῶν χειρῶν παρεσκευάκασι, τοσαύτην ὀρυξάμενοι τάφρον, ἧσ τὸ μὲν ἐξειργασμένον ἐκείνοισ ἐμποδών ἐστι τοῦ πλήθουσ, τὸ δὲ διαλεῖπον ἡμῖν δίδωσιν ἴσῳ καὶ δικαίῳ μέτρῳ διαμάχεσθαι πρὸσ αὐτούσ, φέρε νῦν, προθυμηθεὶσ ἀνὴρ ἀγαθὸσ γενέσθαι καὶ μεθ’ ἡμῶν ἐπισπόμενοσ δρόμῳ σῶζε σεαυτὸν ἅμα καὶ τὴν στρατιάν. ἡμᾶσ γὰρ οἱ μὲν κατὰ στόμα τῶν πολεμίων οὐχ ὑπομενοῦσιν, οἱ δὲ ἄλλοι διὰ τὴν τάφρον οὐ βλάψουσιν. ἐθαύμασεν οὖν ὁ Νεκτάναβισ τοῦ Ἀγησιλάου τὴν δεινότητα, καὶ δοὺσ ἑαυτὸν εἰσ μέσα τὰ τῶν Ἑλλήνων ὅπλα καὶ προσπεσὼν ἐτρέψατο ῥᾳδίωσ τοὺσ ἀντιστάντασ.
ὡσ δὲ ἅπαξ ἔλαβε πειθόμενον αὑτῷ τὸν Νεκτάναβιν ὁ Ἀγησίλαοσ, αὖθισ ἐπῆγε τὸ αὐτὸ στρατήγημα καθάπερ πάλαισμα τοῖσ πολεμίοισ. τὰ μὲν γὰρ ὑποφεύγων καὶ ὑπάγων, τὰ δὲ ἀντιπεριχωρῶν, ἐμβάλλει τὸ πλῆθοσ αὐτῶν εἰσ τόπον ἔχοντα διώρυχα βαθεῖαν ἐξ ἑκατέρασ πλευρᾶσ παραρρέουσαν, ὧν τὸ μέσον ἐμφράξασ καὶ καταλαβὼν τῷ μετώπῳ τῆσ φάλαγγοσ ἐξίσωσε πρὸσ τοὺσ μαχομένουσ τῶν πολεμίων τὸ πλῆθοσ, οὐκ ἔχοντασ περιδρομὴν καὶ κύκλωσιν.
ὅθεν οὐ πολὺν χρόνον ἀντιστάντεσ ἐτράποντο· καὶ πολλοὶ μὲν ἀνῃρέθησαν, οἱ δὲ φεύγοντεσ ἐσκεδάσθησαν καὶ διερρύησαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기