호흡부호 보기
강세부호 보기
장단부호 보기
작은 Iota 보기
모든 부호 보기
Ἀρχίδαμοσ ὁ Ζευξιδάμου βασιλεύσασ ἐπιφανῶσ Λακεδαιμονίων, κατέλιπεν υἱὸν ἐκ γυναικὸσ εὐδοκίμου, Λαμπιδοῦσ, Ἆγιν, καί πολὺ νεώτερον ἐξ Εὐπωλίασ τῆσ Μελησιππίδα θυγατρόσ, Ἀγησίλαον. ἐπεὶ δὲ τῆσ βασιλείασ Ἄγιδι προσηκούσησ κατὰ τὸν νόμον ἰδιώτησ ἐδόκει βιοτεύσειν ὁ Ἀγησίλαοσ, ἤχθη τὴν λεγομένην ἀγωγὴν ἐν Λακεδαίμονι, σκληρὰν μὲν οὖσαν τῇ διαίτῃ καί πολύπονον, παιδεύουσαν δὲ τοὺσ νέουσ ἄρχεσθαι. ὡσ μάλιστα διὰ τῶν ἐθῶν τοὺσ πολίτασ τοῖσ νόμοισ πειθηνίουσ καὶ χειροήθεισ ποιοῦσαν, ὥσπερ ἵππουσ εὐθὺσ ἐξ ἀρχῆσ δαμαζομένουσ, ταύτησ ἀφίησιν ὁ νόμοσ τῆσ ἀνάγκησ τοὺσ ἐπὶ βασιλείᾳ τρεφομένουσ παῖδασ.
Ἀγησιλάῳ δὲ καί τοῦτο ὑπῆρξεν ἴδιον, ἐλθεῖν ἐπὶ τὸ ἄρχειν μὴ ἀπαίδευτον τοῦ ἄρχεσθαι.
διὸ καί πολὺ τῶν βασιλέων εὐαρμοστότατον αὑτὸν τοῖσ ὑπηκόοισ παρέσχε, τῷ φύσει ἡγεμονικῷ καί βασιλικῷ προσκτησάμενοσ ἀπὸ τῆσ ἀγωγῆσ τὸ δημοτικὸν καί φιλάνθρωπον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기