Plato, Cratylus, Theaetetus, Sophist, Statesman, Πολιτικός 119:

καὶ ταύτῃ που τὸ πρότερον ἁμαρτάνοντεσ εὐηθέστερα τοῦ δέοντοσ εἰσ ταὐτὸν βασιλέα καὶ τύραννον συνέθεμεν, ἀνομοιοτάτουσ ὄντασ αὐτούσ τε καὶ τὸν τῆσ ἀρχῆσ ἑκατέρου τρόπον. ἀληθῆ. νῦν δέ γε πάλιν ἐπανορθούμενοι, καθάπερ εἶπον, τὴν ἀνθρωπίνην ἐπιμελητικὴν δίχα διαιρώμεθα, τῷ βιαίῳ τε καὶ ἑκουσίῳ; πάνυ μὲν οὖν. καὶ τὴν μέν γέ που τῶν βιαίων τυραννικήν, τὴν δὲ ἑκούσιον καὶ ἑκουσίων διπόδων ἀγελαιοκομικὴν ζῴων προσειπόντεσ πολιτικήν, τὸν ἔχοντα αὖ τέχνην ταύτην καὶ ἐπιμέλειαν ὄντωσ ὄντα βασιλέα καὶ πολιτικὸν ἀποφαινώμεθα;