헬라어 문장 검색 - Πινδαρ́ΟδεσΓρέ3́11́

(핀다르, Odes, nemean odes, nemean 11 ΑΡΙΣΤΑΓΟΡᾼ ΤΕΝΕΔΙῼ ΠΡΥΤΑΝΕΙ)

παῖ Ῥέασ, ἅ τε πρυτανεῖα λέλογχασ,Ἑστία, Ζηνὸσ ὑψίστου κασιγνήτα καὶ ὁμοθρόνου Ἥρασ, εὖ μὲν Ἀρισταγόραν δέξαι τεὸν ἐσ θάλαμον, . εὖ δ’ ἑταίρουσ ἀγλαῷ σκάπτῳ πέλασ, οἵ σε γεραίροντεσ ὀρθὰν φυλάσσοισιν Τένεδον, πολλὰ μὲν λοιβαῖσιν ἀγαζόμενοι πρώταν θεῶν, πολλὰ δὲ κνίσσᾳ· λύρα δέ σφι βρέμεται καὶ ἀοιδά·

καὶ ξενίου Διὸσ ἀσκεῖται Θέμισ ἀενάοισ ἐν τραπέζαισ. ἀλλὰ σὺν δόξᾳ τέλοσ δωδεκάμηνον περᾶσαι σὺν ἀτρώτῳ κραδίᾳ, ἄνδρα δ’ ἐγὼ μακαρίζω μὲν πατέρ’ Ἁγησίλαν, καὶ τὸ θαητὸν δέμασ ἀτρεμίαν τε ξύγγονον.

θνατὰ μεμνάσθω περιστέλλων μέλη, καὶ τελευτὰν ἁπάντων γᾶν ἐπιεσσόμενοσ·

ἐν λόγοισ δ’ ἀστῶν ἀγαθοῖσί νιν αἰνεῖσθαι χρεών, καὶ μελιγδούποισι δαιδαλθέντα μελιζέμεν ἀοιδαῖσ.

ἐκ δὲ περικτιόνων ἑκκαίδεκ’ Ἀρισταγόραν ἀγλααὶ νῖκαι πάτραν τ’ εὐώνυμον ἐστεφάνωσαν πάλᾳ καὶ μεγαυχεῖ παγκρατίῳ. ἐλπίδεσ δ’ ὀκνηρότεραι γονέων παιδὸσ βίαν ἔσχον ἐν Πυθῶνι πειρᾶσθαι καὶ Ὀλυμπίᾳ ἄθλων.

ναὶ μὰ γὰρ ὁρ́κον, ἐμὰν δόξαν παρὰ Κασταλίᾳ καὶ παρ’ εὐδένδρῳ μολὼν ὄχθῳ Κρόνου κάλλιον ἂν δηριώντων ἐνόστησ’ ἀντιπάλων, πενταετηρίδ’ ἑορτὰν Ἡρακλέοσ τέθμιον κωμάσαισ ἀνδησάμενόσ τε κόμαν ἐν πορφυρέοισ ἔρνεσιν.

ἀλλὰ βροτῶν τὸν μὲν κενεόφρονεσ αὖχαι ἐξ ἀγαθῶν ἔβαλον·

ἰσχὺν οἰκείων παρέσφαλεν καλῶν χειρὸσ ἕλκων ὀπίσσω θυμὸσ ἄτολμοσ ἐών.

συμβαλεῖν μὰν εὐμαρὲσ ἦν τό τε Πεισάνδρου πάλαι αἷμ’ ἀπὸ Σπάρτασ·

Ἀμύκλαθεν γὰρ ἔβα σὺν Ὀρέστᾳ, Αἰολέων στρατιὰν χαλκεντέα δεῦρ’ ἀνάγων· καὶ παρ’ Ἰσμηνοῦ ῥοὰν κεκραμένον ἐκ Μελανίπποιο μάτρωοσ. ἀμφέροντ’ ἀλλασσόμεναι γενεαῖσ ἀνδρῶν σθένοσ·

ἐν σχερῷ δ’ οὔτ’ ὦν μέλαιναι καρπὸν ἔδωκαν ἄρουραι, δένδρεά τ’ οὐκ ἐθέλει πάσαισ ἐτέων περόδοισ ἄνθοσ εὐῶδεσ φέρειν πλούτῳ ἴσον, ἀλλ’ ἐν ἀμείβοντι.

καὶ θνατὸν οὕτωσ ἔθνοσ ἄγει μοῖρα. τὸ δ’ ἐκ Διὸσ ἀνθρώποισ σαφὲσ οὐχ ἕπεται τέκμαρ·

ἀλλ’ ἔμπαν μεγαλανορίαισ ἐμβαίνομεν, ἔργα τε πολλὰ μενοινῶντεσ· δέδεται γὰρ ἀναιδεῖ ἐλπίδι γυῖα· προμαθείασ δ’ ἀπόκεινται ῥοαί.

κερδέων δὲ χρὴ μέτρον θηρευέμεν· ἀπροσίκτων δ’ ἐρώτων ὀξύτεραι μανίαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pindar, Odes, nemean odes, nemean 11 ΑΡΙΣΤΑΓΟΡᾼ ΤΕΝΕΔΙῼ ΠΡΥΤΑΝΕΙ

(핀다르, Odes, nemean odes, nemean 11 ΑΡΙΣΤΑΓΟΡᾼ ΤΕΝΕΔΙῼ ΠΡΥΤΑΝΕΙ)

상위

목록

SEARCH

MENU NAVIGATION