헬라어 문장 검색 - Παυσαν́Δεσξριπ́3́15́

(파우사니아스, Description of Greece, Λακωνικά, chapter 15)

πρὸσ δὲ τῷ Πλατανιστᾷ καὶ Κυνίσκασ ἐστὶν ἡρῷον, θυγατρὸσ Ἀρχιδάμου βασιλεύοντοσ Σπαρτιατῶν· πρώτη δὲ ἱπποτρόφησε γυναικῶν καὶ Ὀλυμπίασι πρώτη νίκην ἀνείλετο ἁρ́ματι. ἔστι δὲ τῆσ στοᾶσ, ἣ παρὰ τὸν Πλατανιστᾶν πεποίηται, ταύτησ ὄπισθεν ἡρῷα, τὸ μὲν Ἀλκίμου, τὸ δὲ Ἐναρσφόρου καὶ ἀφεστηκὸσ οὐ πολὺ Δορκέωσ, τὸ δὲ ἐπὶ τούτῳ Σεβροῦ· παῖδασ δὲ Ἱπποκόωντοσ εἶναι λέγουσιν. ἀπὸ δὲ τοῦ Δορκέωσ κρήνην τὴν πλησίον τοῦ ἡρῴου Δορκείαν, τὸ δὲ χωρίον τὸ Σέβριον καλοῦσιν ἀπὸ τοῦ Σεβροῦ.

τοῦ Σεβρίου δέ ἐστιν ἐν δεξιᾷ μνῆμα Ἀλκμᾶνοσ, ᾧ ποιήσαντι ᾄσματα οὐδὲν ἐσ ἡδονὴν αὐτῶν ἐλυμήνατο τῶν Λακώνων ἡ γλῶσσα, ἥκιστα παρεχομένη τὸ εὔφωνον. Ἑλένησ δὲ ἱερὰ καὶ Ἡρακλέουσ, τῆσ μὲν πλησίον τοῦ τάφου τοῦ Ἀλκμᾶνοσ, τῷ δὲ ἐγγυτάτω τοῦ τείχουσ, ἐν αὐτῷ δὲ ἄγαλμα Ἡρακλέουσ ἐστὶν ὡπλισμένον·

τὸ δὲ σχῆμα τοῦ ἀγάλματοσ διὰ τὴν πρὸσ Ἱπποκόωντα καὶ τοὺσ παῖδασ μάχην γενέσθαι λέγουσι. τὸ δὲ ἔχθοσ Ἡρακλεῖ φασιν ἐσ οἶκον ὑπάρξαι τὸν Ἱπποκόωντοσ, ὅτι μετὰ τὸν Ἰφίτου θάνατον καθαρσίων ἕνεκα ἐλθόντα αὐτὸν ἐν Σπάρτῃ ἀπηξίωσαν καθῆραι·

προσεγένετο δὲ ἐσ τοῦ πολέμου τὴν ἀρχὴν καὶ ἄλλο τοιόνδε.

Οἰωνὸσ ἡλικίαν μὲν μειράκιον, ἀνεψιὸσ δὲ Ἡρακλεῖ ‐ Λικυμνίου γὰρ παῖσ ἦν τοῦ ἀδελφοῦ τοῦ Ἀλκμήνησ ‐ ἀφίκετο ἐσ Σπάρτην ἅμα Ἡρακλεῖ· περιιόντι δὲ καὶ θεωμένῳ τὴν πόλιν, ὡσ ἐγίνετο κατὰ τοῦ Ἱπποκόωντοσ τὴν οἰκίαν, ἐνταῦθά οἱ κύων ἐπεφέρετο οἰκουρόσ. ὁ δὲ τυγχάνει τε ἀφεὶσ λίθον ὁ Οἰωνὸσ καὶ καταβάλλει τὴν κύνα· ἐπεκθέουσιν οὖν τοῦ Ἱπποκόωντοσ οἱ παῖδεσ καὶ ῥοπάλοισ τύπτοντεσ κατεργάζονται τὸν Οἰωνόν. τοῦτο Ἡρακλέα μάλιστα ἐξηγρίωσεν ἐσ Ἱπποκόωντα καὶ τοὺσ παῖδασ·

αὐτίκα δὲ ὡσ ὀργῆσ εἶχε χωρεῖ σφισιν ἐσ μάχην. τότε μὲν δὴ τιτρώσκεται καὶ λαθὼν ἀπεχώρησεν· ὕστερον δὲ ἐξεγένετό οἱ στρατεύσαντι ἐσ Σπάρτην τιμωρήσασθαι μὲν Ἱπποκόωντα, τιμωρήσασθαι δὲ καὶ τοὺσ παῖδασ τοῦ Οἰωνοῦ φόνου. τὸ δὲ μνῆμα τῷ Οἰωνῷ πεποίηται παρὰ τὸ Ἡρακλεῖον. ἰόντι δὲ ἐκ τοῦ Δρόμου πρὸσ ἀνίσχοντα ἥλιον ἀτραπόσ ἐστιν ἐν δεξιᾷ καὶ Ἀθηνᾶσ Ἀξιοποίνου καλουμένησ ἱερόν.

ὡσ γὰρ δὴ ἀμυνόμενοσ Ἡρακλῆσ Ἱπποκόωντα καὶ τοὺσ παῖδασ μετῆλθε κατ’ ἀξίαν ὧν προυπῆρξεν, ἱερὸν Ἀθηνᾶσ ἱδρύεται, Ἀξιοποίνου δὲ ἐπίκλησιν, ὅτι τὰσ τιμωρίασ οἱ παλαιοὶ τῶν ἀνθρώπων ὠνόμαζον ποινάσ. ἔστι δὲ καὶ ἄλλο ἱερὸν Ἀθηνᾶσ ἰόντι ἑτέραν ὁδὸν ἀπὸ τοῦ Δρόμου· Θήραν δὲ ἀναθεῖναι τὸν Αὐτεσίωνοσ τοῦ Τισαμενοῦ τοῦ Θερσάνδρου φασίν, ἡνίκα ἀποικίαν ἔστελλεν ἐπὶ τὴν νῆσον ἣ νῦν ἀπὸ Θήρα τούτου τὸ ὄνομα ἔσχηκε, τὸ δὲ ἀρχαῖον ἐκαλεῖτο Καλλίστη.

πλησίον δέ ἐστιν Ἱπποσθένουσ ναόσ, ᾧ γεγόνασιν αἱ πολλαὶ νῖκαι πάλησ·

σέβουσι δὲ ἐκ μαντεύματοσ τὸν Ἱπποσθένην ἅτε Ποσειδῶνι τιμὰσ νέμοντεσ. τοῦ ναοῦ δὲ ἀπαντικρὺ πέδασ ἐστὶν ἔχων Ἐνυάλιοσ, ἄγαλμα ἀρχαῖον. γνώμη δὲ Λακεδαιμονίων τε ἐσ τοῦτό ἐστιν ἄγαλμα καὶ Ἀθηναίων ἐσ τὴν Ἄπτερον καλουμένην Νίκην, τῶν μὲν οὔποτε τὸν Ἐνυάλιον φεύγοντα οἰχήσεσθαί σφισιν ἐνεχόμενον ταῖσ πέδαισ, Ἀθηναίων δὲ τὴν Νίκην αὐτόθι ἀεὶ μενεῖν οὐκ ὄντων πτερῶν. τόνδε μέν εἰσιν αἱ πόλεισ αὗται τὰ ξόανα τὸν τρόπον ἱδρυμέναι καὶ ἐπὶ δόξῃ τοιαύτῃ·

ἐν Σπάρτῃ δὲ λέσχη τέ ἐστι καλουμένη Ποικίλη καὶ ἡρῷα πρὸσ αὐτῇ Κάδμου τοῦ Ἀγήνοροσ τῶν τε ἀπογόνων, Οἰολύκου τοῦ Θήρα καὶ Αἰγέωσ τοῦ Οἰολύκου.

ποιῆσαι δὲ τὰ ἡρῷα λέγουσι Μαῖσιν καὶ Λαίαν τε καὶ Εὐρώπαν, εἶναι δὲ αὐτοὺσ Ὑραίου παῖδασ τοῦ Αἰγέωσ. ἐποίησαν δὲ καὶ τῷ Ἀμφιλόχῳ τὸ ἡρῷον, ὅτι σφίσιν ὁ πρόγονοσ Τισαμενὸσ μητρὸσ ἦν Δημωνάσσησ, ἀδελφῆσ Ἀμφιλόχου. μόνοισ δὲ Ἑλλήνων Λακεδαιμονίοισ καθέστηκεν Ἥραν ἐπονομάζειν Αἰγοφάγον καὶ αἶγασ τῇ θεῷ θύειν.

Ἡρακλέα δὲ λέγουσιν ἱδρύσασθαι τὸ ἱερὸν καὶ αἶγασ θῦσαι πρῶτον, ὅτι μαχομένῳ οἱ πρὸσ Ἱπποκόωντα καὶ τοὺσ παῖδασ οὐδὲν ἐκ τῆσ Ἥρασ ἀπήντησεν ἐμπόδιον, ὥσπερ γε ἐπὶ τῶν ἄλλων ἐδόξαζεν ἐναντιοῦσθαί οἱ τὴν θεόν· αἶγασ δὲ αὐτὸν θῦσαί φασιν ἱερείων ἀπορήσαντα ἀλλοίων.

τοῦ θεάτρου δὲ οὐ πόρρω Ποσειδῶνόσ τε ἱερόν ἐστι Γενεθλίου καὶ ἡρῷα Κλεοδαίου τοῦ Ὕλλου καὶ Οἰβάλου.

τῶν δὲ Ἀσκληπιείων τὸ ἐπιφανέστατον πεποίηταί σφισι πρὸσ τοῖσ Βοωνήτοισ, ἐν ἀριστερᾷ δὲ ἡρῷον Τηλέκλου· τούτου δὲ καὶ ὕστερον ποιήσομαι μνήμην ἐν τῇ Μεσσηνίᾳ συγγραφῇ. προελθοῦσι δὲ οὐ πολὺ λόφοσ ἐστὶν οὐ μέγασ, ἐπὶ δὲ αὐτῷ ναὸσ ἀρχαῖοσ καὶ Ἀφροδίτησ ξόανον ὡπλισμένησ. ναῶν δὲ ὧν οἶδα μόνῳ τούτῳ καὶ ὑπερῷον ἄλλο ἐπῳκοδόμηται Μορφοῦσ ἱερόν. ἐπίκλησισ μὲν δὴ τῆσ Ἀφροδίτησ ἐστὶν ἡ Μορφώ, κάθηται δὲ καλύπτραν τε ἔχουσα καὶ πέδασ περὶ τοῖσ ποσί·

περιθεῖναι δέ οἱ Τυνδάρεων τὰσ πέδασ φασὶν ἀφομοιοῦντα τοῖσ δεσμοῖσ τὸ ἐσ τοὺσ συνοικοῦντασ τῶν γυναικῶν βέβαιον. τὸν γὰρ δὴ ἕτερον λόγον, ὡσ τὴν θεὸν πέδαισ ἐτιμωρεῖτο ὁ Τυνδάρεωσ, γενέσθαι ταῖσ θυγατράσιν ἐξ Ἀφροδίτησ ἡγούμενοσ τὰ ὀνείδη, τοῦτον οὐδὲ ἀρχὴν προσίεμαι· ἦν γὰρ δὴ παντάπασιν εὐήθεσ κέδρου ποιησάμενον ζῴδιον καὶ ὄνομα Ἀφροδίτην θέμενον ἐλπίζειν ἀμύνεσθαι τὴν θεόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Λακωνικά, chapter 15

(파우사니아스, Description of Greece, Λακωνικά, chapter 15)

상위

목록

SEARCH

MENU NAVIGATION