헬라어 문장 검색 - Παυσαν́Δεσξριπ́3́04́

(파우사니아스, Description of Greece, Λακωνικά, chapter 4)

Δωριεὺσ μὲν δὴ ‐ οὐ γὰρ ἠνείχετο ὑπακούειν Κλεομένει μένων ἐν Λακεδαίμονι ‐ ἐσ ἀποικίαν στέλλεται· Κλεομένησ δὲ ὡσ ἐβασίλευσεν, αὐτίκα ἐσέβαλεν ἐσ τὴν Ἀργολίδα, Λακεδαιμονίων τε αὐτῶν ἀθροίσασ καὶ τῶν συμμάχων στρατιάν. ὡσ δὲ ἐπεξῆλθον οἱ Ἀργεῖοι σὺν ὅπλοισ, ὁ Κλεομένησ ἐνίκα τῇ μάχῃ· καὶ ‐ ἦν γὰρ πλησίον ἄλσοσ ἱερὸν Ἄργου τοῦ Νιόβησ ‐ καταφεύγουσιν ὡσ ἐτράποντο ὅσον τε πεντακισχίλιοι τῶν Ἀργείων ἐσ τὸ ἄλσοσ.

Κλεομένησ δὲ ‐ ἐξώρμει γὰρ τὰ πολλὰ ἐκ τοῦ νοῦ ‐ κελεύει καὶ τότε ἐνεῖναι πῦρ τοῖσ εἵλωσιν ἐσ τὸ ἄλσοσ, καὶ τό τε ἄλσοσ ἡ φλὸξ ἐπέλαβεν ἅπαν καὶ ὁμοῦ τῷ ἄλσει καιομένῳ συγκατεκαύθησαν αὖθισ οἱ ἱκέται. ἐστράτευσε δὲ καὶ ἐπὶ Ἀθήνασ, τὸ μὲν πρότερον Ἀθηναίοισ τε ἐλευθερίαν ἀπὸ τῶν Πεισιστράτου παίδων καὶ αὑτῷ καὶ Λακεδαιμονίοισ δόξαν ἐν τοῖσ Ἕλλησιν ἀγαθὴν κτώμενοσ, ὕστερον δὲ Ἀθηναίου χάριτι ἀνδρὸσ Ἰσαγόρου τυραννίδα οἱ συγκατεργασόμενοσ Ἀθηνῶν.

ὡσ δὲ ἡμάρτανε τῆσ ἐλπίδοσ καὶ οἱ Ἀθηναῖοι περὶ τῆσ ἐλευθερίασ ἐμαχέσαντο ἐρρωμένωσ, ἐνταῦθα ὁ Κλεομένησ ἄλλα τε ἐδῄωσε τῆσ χώρασ καὶ τῆσ καλουμένησ Ὀργάδοσ θεῶν τε τῶν ἐν Ἐλευσῖνι ἱερᾶσ, καὶ ταύτησ τεμεῖν φασιν αὐτόν. ἀφίκετο δὲ καὶ ἐσ Αἴγιναν, καὶ Αἰγινητῶν τοὺσ δυνατοὺσ συνελάμβανεν ὅσοι μηδισμοῦ τε αὐτῶν μετέσχον καὶ βασιλεῖ Δαρείῳ τῷ Ὑστάσπου γῆν δοῦναι καὶ ὕδωρ τοὺσ πολίτασ ἔπεισαν. διατρίβοντοσ δὲ ἐν Αἰγίνῃ Κλεομένουσ Δημάρατοσ ὁ τῆσ οἰκίασ βασιλεὺσ τῆσ ἑτέρασ διέβαλλεν αὐτὸν ἐσ τῶν Λακεδαιμονίων τὸ πλῆθοσ·

καὶ Λεωτυχίδην ἄνδρα τοῦ βασιλικοῦ γένουσ καὶ οἰκίασ Δημαράτῳ τῆσ αὐτῆσ ἐπῆρεν ἀμφισβητεῖν ὑπὲρ τῆσ ἀρχῆσ.

εἴχετο δὲ Λεωτυχίδησ λόγων οὓσ Ἀρίστων ποτὲ ἐσ Δημάρατον τεχθέντα ἐξέβαλεν ὑπὸ ἀμαθίασ οὐχ αὑτοῦ παῖδα εἶναι φήσασ.

τότε δὲ οἱ μὲν ἐσ τὸ χρηστήριον οἱ Λακεδαιμόνιοι τὸ ἐν Δελφοῖσ, ὥσπερ καὶ τὰ ἄλλα εἰώθεσαν, ἀνάγουσι καὶ τὸ ἀμφισβήτημα τὸ ὑπὲρ Δημαράτου· ἡ δέ σφισιν ἔχρησεν ἡ πρόμαντισ ὁπόσα ἦν Κλεομένει κατὰ γνώμην. Δημάρατοσ μὲν δὴ κατὰ ἔχθοσ τὸ Κλεομένουσ καὶ οὐ σὺν τῷ δικαίῳ βασιλείασ ἐπαύθη, Κλεομένην δὲ ὕστερον τούτων ἐπέλαβεν ἡ τελευτὴ μανέντα·

ὡσ γὰρ δὴ ἐλάβετο ξίφουσ, ἐτίτρωσκεν αὐτὸσ αὑτὸν καὶ διεξῄει τὸ σῶμα ἅπαν κόπτων τε καὶ λυμαινόμενοσ. Ἀργεῖοι μὲν δὴ τοῖσ ἱκέταισ τοῦ Ἄργου διδόντα αὐτὸν δίκην τέλοσ τοῦ βίου φασὶν εὑρέσθαι τοιοῦτον, Ἀθηναῖοι δὲ ὅτι ἐδῄωσε τὴν Ὀργάδα, Δελφοὶ δὲ τῶν δώρων ἕνεκα ὧν τῇ προμάντιδι ἔδωκεν, ἀναπείσασ ἐψευσμένα εἰπεῖν ἐσ Δημάρατον. εἰή δ’ ἂν καὶ τὰ μηνίματα ἔκ τε ἡρώων ὁμοῦ καὶ θεῶν ἐσ τὸ αὐτὸ τῷ Κλεομένει συνεληλυθότα, ἐπεί τοι καὶ ἰδίᾳ Πρωτεσίλαοσ ἐν Ἐλαιοῦντι οὐδὲν ἡρ́ωσ Ἄργου φανερώτεροσ ἄνδρα Πέρσην ἐτιμωρήσατο Ἀρταύ̈κτην καὶ Μεγαρεῦσιν οὔ ποτε θεῶν τῶν ἐν Ἐλευσῖνι ὄντων ἐξεγένετο ἱλάσασθαι τὸ μήνιμα γῆν ἐπεργασαμένοισ τὴν ἱεράν.

τὰ δὲ ἐσ τοῦ μαντείου τὴν διάπειραν οὐδὲ τὸ παράπαν ἄλλον γε οὐδένα ὅτι μὴ μόνον Κλεομένην τολμήσαντα ἴσμεν. Κλεομένει δὲ οὐκ ὄντων ἀρρένων παίδων ἐσ Λεωνίδαν τὸν Ἀναξανδρίδου, Δωριέωσ δὲ ἀπ’ ἀμφοτέρων ἀδελφόν, κατέβαινεν ἡ ἀρχή.

καὶ Ξέρξησ τε τηνικαῦτα ἐπὶ τὴν Ἑλλάδα ἤγαγε τὸν λαὸν καὶ Λεωνίδασ τριακοσίοισ ὁμοῦ Λακεδαιμονίων ἀπήντησεν ἐσ Θερμοπύλασ. γεγόνασι μὲν δὴ πόλεμοι καὶ Ἑλλήνων πολλοὶ καὶ ἐσ ἀλλήλουσ βαρβάρων, εὐαρίθμητοι δὲ ὁπόσουσ ἀνδρὸσ ἑνὸσ μάλιστα ἀρετὴ προήγαγεν ἐσ πλέον δόξησ, ὡσ Ἀχιλλεύσ τε τὸν πρὸσ Ἰλίῳ πόλεμον καὶ Μιλτιάδησ τὸ Μαραθῶνι ἔργον. ἀλλὰ γὰρ τὸ Λεωνίδου κατόρθωμα ὑπερεβάλετο ἐμοὶ δοκεῖν τά τε ἀνὰ χρόνον συμβάντα καὶ τὰ ἔτι πρότερον. Ξέρξῃ γὰρ βασιλέων, ὁπόσοι Μήδοισ καὶ Πέρσαισ ἐγένοντο ὕστερον, παρασχομένῳ μέγιστον φρόνημα καὶ ἀποδειξαμένῳ λαμπρὰ οὕτω, κατὰ τὴν πορείαν Λεωνίδασ σὺν ὀλίγοισ, οὓσ ἠγάγετο ἐσ Θερμοπύλασ, ἐγένετο ἂν ἐμποδὼν μηδὲ ἀρχὴν τὴν Ἑλλάδα ἰδεῖν αὐτὸν μηδὲ Ἀθηναίων ποτὲ ἐμπρῆσαι τὴν πόλιν, εἰ μὴ κατὰ τὴν ἀτραπὸν τὴν διὰ τῆσ Οἴτησ τείνουσαν περιαγαγὼν τὴν μετὰ Ὑδάρνου στρατιὰν ὁ Τραχίνιοσ κυκλώσασθαί σφισι τοὺσ Ἕλληνασ παρέσχε καὶ οὕτω κατεργασθέντοσ Λεωνίδου παρῆλθον ἐσ τὴν Ἑλλάδα οἱ βάρβαροι.

Παυσανίασ δὲ ὁ Κλεομβρότου βασιλεὺσ μὲν οὐκ ἐγένετο·

ἐπιτροπεύων γὰρ Πλείσταρχον τὸν Λεωνίδου καταλειφθέντα ἔτι παῖδα ἐσ Πλάταιάν τε Λακεδαιμονίουσ ἤγαγε καὶ ὕστερον ναυσὶν ἐσ τὸν Ἑλλήσποντον. Ἀνταγόρου Φαρανδάτησ ὁ Τεάσπιδοσ, ἀνὴρ Πέρσησ, παλλακὴν εἶχεν ἄκουσαν·

ἐπεὶ δὲ Πλαταιᾶσι Μαρδόνιόσ τε ἔπεσεν ἐν τῇ μάχῃ καὶ ἀπώλοντο οἱ βάρβαροι, τὴν γυναῖκα ὁ Παυσανίασ ἀπέστειλεν ἐσ τὴν Κῶν κόσμον τε ὃν ἐποιήσατο ὁ Πέρσησ αὐτῇ καὶ τὴν ἄλλην ἀγομένην κατασκευήν.

Μαρδονίου τε οὐκ ἠθέλησεν ὁ Παυσανίασ αἰσχῦναι τὸν νεκρὸν κατὰ τὴν παραίνεσιν τοῦ Αἰγινήτου Λάμπωνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Pausanias, Description of Greece, Λακωνικά, chapter 4

(파우사니아스, Description of Greece, Λακωνικά, chapter 4)

상위

목록

SEARCH

MENU NAVIGATION