Lysias, Speeches, Ἐν βουλῇ Μαντιθέῳ δοκιμαζομένῳ ἀπολογία 19:

καὶ οὐ μόνον τοῦτο συνεβούλευον τοῖσ ἄλλοισ, ἀλλὰ καὶ αὐτὸσ ἔδωκα δυοῖν ἀνδροῖν τριάκοντα δραχμὰσ ἑκατέρῳ, οὐχ ὡσ πολλὰ κεκτημένοσ, ἀλλ’ ἵνα παράδειγμα τοῦτο τοῖσ ἄλλοισ γένηται. καί μοι ἀνάβητε. Μάρτυρεσ μετὰ ταῦτα τοίνυν, ὦ βουλή, εἰσ Κόρινθον ἐξόδου γενομένησ καὶ πάντων προειδότων ὅτι δεήσει κινδυνεύειν, ἑτέρων ἀναδυομένων ἐγὼ διεπραξάμην ὥστε τῆσ πρώτησ τεταγμένοσ μάχεσθαι τοῖσ πολεμίοισ·