Lysias, Speeches, Κατηγορία πρὸσ τοὺσ συνουσιαστὰσ κακολογιῶν 24:

ἀλλ’ ὡσ εὖνοι ὄντεσ ἐμοὶ τὰ βέλτιστα ἐρεῖτε περὶ ἐμοῦ; ἀλλὰ καὶ νῦν ὑμεῖσ με μόνοι κακῶσ λέγετε. τὸ μὲν οὖν ἐμὸν οὐκ ἐμποδὼν ὑμῖν ἔσται. τοιοῦτον δ’ ἄρα πρὸσ ὑμᾶσ αὐτοὺσ πείσεσθε, ἐπειδή περ ὑμῖν ἔθοσ ἐστὶν ἕνα τῶν ξυνόντων ἀεὶ κακῶσ λέγειν καὶ ποιεῖν· ἐπειδὰν ὑμῖν ἐγὼ μὴ ξυνῶ, πρὸσ ὑμᾶσ αὐτοὺσ τρέψεσθε, κἄπειτα καθ’ ἕνα ἕκαστον ὑμῖν αὐτοῖσ ἀπεχθήσεσθε, τὸ δὲ τελευταῖον εἷσ ὁ λειπόμενοσ αὐτὸσ αὑτὸν κακῶσ ἐρεῖ.