Lucian, Verae Historiae, book 1 35:

(루키아노스, Verae Historiae, book 1 35:)

καὶ τὰ μὲν ἄλλα ἴσωσ φέρειν δυνάμεθα, οἱ δὲ γείτονεσ ἡμῶν καὶ πάροικον σφόδρα χαλεποὶ καὶ βαρεῖσ εἰσιν, ἄμικτοί τε ὄντεσ καὶ ἄγριοι. ἦ γάρ, ἔφην ἐγώ, καὶ ἄλλοι τινὲσ εἰσιν ἐν τῷ κήτει; πολλοὶ μὲν οὖν, ἔφη, καὶ ἄξενοι καὶ τὰσ μορφὰσ ἀλλόκοτοι· τὰ μὲν γὰρ ἑσπέρια τῆσ ὕλησ καὶ οὐραῖα Ταριχᾶνεσ οἰκοῦσιν, ἔθνοσ ἐγχελυωπὸν καὶ καραβοπρόσωπον, μάχιμον καὶ θρασὺ καὶ ὠμοφάγον τὰ δὲ τῆσ ἑτέρασ πλευρᾶσ κατὰ τὸν δεξιὸν τοῖχον Τριτωνομένδητεσ, τὰ μὲν ἄνω ἀνθρώποισ ἐοικότεσ, τὰ δὲ κάτω τοῖσ γαλεώταισ, ἧττον μέντοι ἄδικοὶ εἰσιν τῶν ἄλλων τὰ λαιὰ δὲ Καρκινόχειρεσ καὶ Θυννοκέφαλοι συμμαχίαν τε καὶ φιλίαν πρὸσ ἑαυτοὺσ πεποιημένοι· τὴν δὲ μεσόγαιαν νέμονται Παγουρίδαι καὶ Ψηττόποδεσ, γένοσ μάχιμον καὶ δρομικώτατον· τὰ ἑῷα δέ, τὰ πρὸσ αὐτῷ τῷ στόματι, τὰ πολλὰ μὲν ἔρημά ἐστι, προσκλυζόμενα τῇ θαλάττῃ· ὅμωσ δὲ ἐγὼ ταῦτα ἔχω φόρον τοῖσ Ψηττόποσιν ὑποτελῶν ἑκάστου ἔτουσ ὄστρεια πεντακόσια.

상위

Lucian (루키아노스)

목록

SEARCH

MENU NAVIGATION