호흡부호 보기
강세부호 보기
장단부호 보기
작은 Iota 보기
모든 부호 보기
οἱ πλούσιοι τῷ Κρόνῳ χαίρειν. πρὸσ γὰρ σὲ οἰεί μόνον ὑπὸ τῶν πενήτων ταῦτα γεγράφθαι, ὦ Κρόνε, οὐχὶ δὲ καὶ ὁ Ζεὺσ ἤδη ἐκκεκώφηται πρὸσ αὐτῶν ἀναβοώντων καὶ αὐτὰ δὴ ταῦτα τὸν ἀναδασμὸν ἀξιούντων γενέσθαι καὶ αἰτιωμένων τήν τε εἱμαρμένην ὡσ ἄνισον τὴν νομὴν πεποιημένην καὶ ἡμᾶσ ὅτι μηδενὸσ αὐτοῖσ μεταδιδόναι ἀξιοῦμεν; ἀλλ̓ οἶδεν ἐκεῖνοσ, ἅτε Ζεὺσ ὤν, παῤ οἷστισιν ἡ αἰτία, καὶ διὰ τοῦτο παρακούει αὐτῶν τὰ πολλά. σοὶ δὲ ὅμωσ ἀπολογησόμεθα, ἐπείπερ ἄρχεισ γε νῦν ἡμῶν. ἡμεῖσ μὲν γὰρ ἅπαντα πρὸ ὀφθαλμῶν λαβόντεσ ἅ γέγραφασ, ὡσ καλὸν ἐπικουρεῖν ἀπὸ πολλῶν τοῖσ δεομένοισ καὶ ὡσ ἥδιον συνεῖναι καὶ συνευωχεῖσθαι τοῖσ πένησιν, ἀεὶ διετελοῦμεν οὕτωσ ποιοῦντεσ ἰσοδίαιτοι καθεστῶτεσ, ὡσ ἂν μηδὲ τὸν συνδαίτην αὐτὸν αἰτιάσασθαί τι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기