Lucian, Quomodo historia conscribenda sit, chapter 26

(루키아노스, Quomodo historia conscribenda sit, chapter 26)

εἶτ̓ ἐπειδὴ Θουκυδίδησ ἐπιτάφιόν τινα εἶπε τοῖσ πρώτοισ τοῦ πολέμου ἐκείνου νεκροῖσ, καὶ αὐτὸσ ἡγήσατο χρῆναι ἐπειπεῖν τῷ Σευηριανῷ· ἅπασι γὰρ αὐτοῖσ πρὸσ τὸν οὐδὲν αἴτιον τῶν ἐν Ἀρμενίᾳ κακῶν, τὸν Θουκυδίδην, ἡ ἅμιλλα. θάψασ οὖν τὸν Σευηριανὸν μεγαλοπρεπῶσ ἀναβιβάζεται ἐπὶ τὸν τάφον Ἀφράνιόν τινα Σίλωνα ἑκατόνταρχον, ἀνταγωνιστὴν Περικλέουσ, ὃσ τοιαῦτα καὶ τοσαῦτα ἐπερρητόρευσεν αὐτῷ, ὥστε με νὴ τὰσ Χάριτασ πολλὰ πάνυ δακρῦσαι ὑπὸ τοῦ γέλωτοσ, καὶ μάλιστα ὁπότε ὁ ῥήτωρ ὁ Ἀφράνιοσ ἐπὶ τέλει τοῦ λόγου δακρύων ἅμα σὺν οἰμωγῇ περιπαθεῖ ἐμέμνητο τῶν πολυτελῶν ἐκείνων δείπνων καὶ προπόσεων, εἶτα ἐπέθηκεν Αἰάντειόν τινα τὴν κορωνίδα· σπασάμενοσ γὰρ τὸ ξίφοσ, εὐγενῶσ πάνυ καὶ ὡσ Ἀφράνιον εἰκὸσ ἦν, πάντων ὁρώντων ἀπέσφαξεν ἑαυτὸν ἐπὶ τῷ τάφῳ, οὐκ ἀνάξιοσ ὢν μὰ τὸν Ἐνυάλιον πρὸ πολλοῦ ἀποθανεῖν ἢ τοιαῦτα ἐρρητόρευε.

일치하는 문장이 없습니다.

SEARCH

MENU NAVIGATION