Lucian, Prometheus, (no name) 9:

τίθει δ’ ὅμωσ, ὦ Ἑρμῆ, τὸ χαλεπώτερον, μὴ τὴν ἐλάττω μοῖραν ἀπονενεμηκέναι τῷ Διί, τὴν δ’ ὅλην ὑφῃρῆσθαι· τί οὖν; διὰ τοῦτο ἐχρῆν, τὸ τοῦ λόγου, τῇ γῇ τὸν οὐρανὸν ἀναμεμῖχθαι καὶ δεσμὰ καὶ σταυροὺσ καὶ Καύκασον ὅλον ἐπινοεῖν καὶ ἀετοὺσ καταπέμπειν καὶ τὸ ἧπαρ ἐκκολάπτειν; ὁρ́α γὰρ μὴ πολλήν τινα ταῦτα κατηγορῇ τοῦ ἀγανακτοῦντοσ αὐτοῦ μικροψυχίαν καὶ ἀγένειαν τῆσ γνώμησ καὶ πρὸσ ὀργὴν εὐχέρειαν. ἢ τί γάρ ἂν ἐποίησεν οὗτοσ ὅλον βοῦν ἀπολέσασ, εἰ κρεῶν ὀλίγων ἕνεκα τηλικαῦτα ἐργάζεται;