호흡부호 보기
강세부호 보기
장단부호 보기
작은 Iota 보기
모든 부호 보기
Οὐκ ἐγὼ ̓λέγον ὅτι θᾶττον τοὺσ γῦπασ ἑώλοσ νεκρὸσ ἐν φανερῷ κείμενοσ ἢ θέαμά τι τῶν παραδόξων Τιμόλαον διαλάθοι, κἂν εἰσ Κόρινθον δέοι ἀπνευστὶ θέοντα ἀπιέναι διὰ τοῦτο; οὕτω φιλοθεάμων σύ γε καὶ ἀόκνοσ τὰ τοιαῦτα. Τί γὰρ ἔδει καὶ ποιεῖν, ὦ Λυκῖνε, σχολὴν ἄγοντα πυθόμενον οὕτωσ ὑπερμεγέθη ναῦν καὶ πέρα τοῦ μέτρου ἐσ τὸν Πειραιᾶ καταπεπλευκέναι μίαν τῶν ἀπ̓ Αἰγύπτου εἰσ Ἰταλίαν σιταγωγῶν; οἶμαι δὲ καὶ σφώ, σέ τε καὶ Σάμιππον τουτονί, μὴ κατ̓ ἄλλο τι ἐξ ἄστεοσ ἥκειν ἢ ὀψομένουσ τὸ πλοῖον. Νὴ Δία, καὶ Ἀδείμαντοσ ὁ Μυρρινούσιοσ εἵπετο μεθ̓ ἡμῶν, ἀλλ̓ οὐκ οἶδ̓ ὅπου νῦν ἐκεῖνόσ ἐστιν ἀποπλανηθεὶσ ἐν τῷ πλήθει τῶν θεατῶν· ἄχρι μὲν γὰρ τῆσ νεὼσ ἅμα ἤλθομεν καὶ ἀνιόντεσ ἐσ αὐτὴν σὺ μέν, οἶμαι, Σάμιππε, προῄεισ, μετὰ σὲ δὲ ὁ Ἀδείμαντοσ ἦν, εἶτ̓ ἐγὼ μετ̓ ἐκεῖνον ἐχόμενοσ αὐτοῦ ἀμφοτέραισ, καί με διὰ τῆσ ἀποβάθρασ ὅλησ παρέπεμψε χειραγωγῶν ὑποδεδεμένον ἀνυπόδητοσ αὐτὸσ ὤν, τὸ ἀπὸ τούτου δὲ οὐκέτι αὐτὸν εἶδον οὔτε ἔνδον οὔτε ἐπεὶ κατεληλύθαμεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기