Lucian, Juppiter trageodeus, (no name) 21:

(루키아노스, Juppiter trageodeus, (no name) 21:)

καί μοι ἐνταῦθα, ὦ Ζεῦ ‐ μόνοι γάρ ἐσμεν καὶ οὐδεὶσ ἄνθρωποσ πάρεστι τῷ συλλόγῳ ἔξω Ἡρακλέουσ καὶ Διονύσου καὶ Γανυμήδουσ καὶ Ἀσκληπιοῦ, τῶν παρεγγράπτων τούτων ‐ ἀπόκριναι μετ’ ἀληθείασ, εἲ ποτέ σοι ἐμέλησεν ἐσ τοσοῦτον τῶν ἐν τῇ γῇ, ὡσ ἐξετάσαι οἵτινεσ αὐτῶν οἱ φαῦλοι ἢ οἵτινεσ οἱ χρηστοὶ εἰσιν ἀλλ’ οὐκ ἂν εἴποισ. εἰ γοῦν μὴ ὁ Θησεὺσ ἐκ Τροιζῆνοσ εἰσ Ἀθήνασ ἰὼν ὁδοῦ πάρεργον ἐξέκοψε τοὺσ κακούργουσ, ὅσον ἐπὶ σοὶ καὶ τῇ σῇ προνοίᾳ οὐδὲν ἂν ἐκώλυεν ζῆν ἐντρυφῶντασ ταῖσ τῶν ὁδῷ βαδιζόντων σφαγαῖσ τὸν Σκείρωνα καὶ Πιτυοκάμπτην καὶ Κερκυόνα καὶ τοὺσ ἄλλουσ· ἢ εἴ γε μὴ ὁ Εὐρυσθεύσ, ἀνὴρ δίκαιοσ καὶ προνοητικόσ, ὑπὸ φιλανθρωπίασ ἀναπυνθανόμενοσ τὰ παρ’ ἑκάστοισ ἐξέπεμπε τουτονὶ τὸν οἰκέτην αὑτοῦ, ἐργατικὸν ἄνθρωπον καὶ πρόθυμον εἰσ τοὺσ πόνουσ, ὦ Ζεῦ, σὺ ὀλίγον ἐφρόντισασ ἂν τῆσ Ὕδρασ καὶ τῶν ἐν Στυμφάλῳ ὀρνέων καὶ ἵππων τῶν Θρᾳκίων καὶ τῆσ Κενταύρων ὕβρεωσ καὶ παροινίασ.

상위

Lucian (루키아노스)

목록

SEARCH

MENU NAVIGATION