Lucian, Judicium vocalium, (no name) 8:

(루키아노스, Judicium vocalium, (no name) 8:)

ὁπότε δὲ ἐκ τούτων ἀρξάμενον ἐτόλμησε καττίτερον εἰπεῖν καὶ κάττυμα καὶ πίτταν, εἶτα ἀπερυθριᾶσαν καὶ βασίλισσαν βασίλιτταν ὀνομάζειν, οὐ μετρίωσ ἐπὶ τούτοισ ἀγανακτῶ καὶ πίμπραμαι δεδιὸσ μὴ τῷ χρόνῳ καὶ τὰ σῦκα τῦκά τισ ὀνομάσῃ. καί μοι πρὸσ Διὸσ ἀθυμοῦντι καὶ μεμονωμένῳ τῶν βοηθησόντων σύγγνωτε τῆσ δικαίασ ὀργῆσ· οὐ γὰρ περὶ μικρὰ καὶ τὰ τυχόντα ἐστὶν ὁ κίνδυνοσ, ἀφαιρουμένῳ τῶν συνήθων καὶ συνεσχολακότων μοι γραμμάτων κίσσαν μου, λάλον ὄρνεον, ἐκ μέσων ὡσ ἔποσ εἰπεῖν τῶν κόλπων ἁρπάσαν κίτταν ὠνόμασεν ἀφείλετο δέ μου φάσσαν ἅμα νήσσαισ τε καὶ κοσσύφοισ ἀπαγορεύοντοσ Ἀριστάρχου· περιέσπασε δὲ καὶ μελισσῶν οὐκ ὀλίγασ· ἐπ’ Ἀττικὴν δὲ ἦλθε καὶ ἐκ μέσησ αὐτῆσ ἀνήρπασεν ἀνόμωσ Ὑμησσὸν ^ ὁρώντων ὑμῶν καὶ τῶν ἄλλων συλλαβῶν.

상위

Lucian (루키아노스)

목록

SEARCH

MENU NAVIGATION