호흡부호 보기
강세부호 보기
장단부호 보기
작은 Iota 보기
모든 부호 보기
Εἶτα ἑξῆσ Ἐπικούρῳ καὶ τοῖσ ἄλλοισ. ὡσ δὲ οὐ πολλὰ ταῦτα τίθημι, ἐκεῖθεν μάθοισ ἄν, ἢν ἐννοήσῃσ, ὅσοι ὀγδοηκοντούτεισ εἰσὶ Στωϊκοὶ ἢ Ἐπικούρειοι ἢ Πλατωνικοὶ ὁμολογοῦντεσ μὴ ταῦτα εἰδέναι πάντα τὰ τῆσ ἑαυτοῦ αἱρέσεωσ ἕκαστοσ, ὡσ μηδὲν ἐνδεῖν σφίσιν ἐσ τὰ μαθήματα· εἰ δὲ μή, ἀλλὰ Χρύσιππόσ γε καὶ Ἀριστοτέλησ καὶ Πλάτων φαῖεν ἄν, καὶ πρὸ τούτων ὁ Σωκράτησ οὐδὲν φαυλότεροσ αὐτῶν, ὃσ ἐκεκράγει πρὸσ ἅπαντασ οὐχ ὅπωσ μὴ πάντα, ἀλλὰ μηδ̓ ὅλωσ εἰδέναι τι ἢ τοῦτο μόνον ὅτι οὐκ οἶδε. λογισώμεθα οὖν ἐξ ἀρχῆσ· εἴκοσι τῷ Πυθαγόρᾳ ἐτίθεμεν, εἶτα Πλάτωνι τοσαῦθ̓ ἕτερα, εἶτα ἑξῆσ τοῖσ ἄλλοισ. πόσα δ̓ οὖν ταῦτα συντεθέντα ἐν κεφαλαίῳ γένοιτ̓ ἄν, εἰ δέκα μόνασ θεῖμεν τὰσ αἱρέσεισ ἐν φιλοσοφία; Ὑπὲρ διακόσια, ὦ Λυκῖνε. Βούλει οὖν ἀφαιρῶμεν τὸ τέταρτον, ὡσ πεντήκοντα καὶ ἑκατὸν ἔτη ἱκανὰ εἶναι, ἢ τὸ ἥμισυ ὅλον;
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기