헬라어 문장 검색 - Λυξιαν́ΔεΣψριά1́0́08́

(루키아노스, De Syria dea, (no name) 8:)

ἔνι δὲ καὶ ἄλλο θωῦμα ἐν τῇ χώρῃ τῇ Βυβλίῃ. ποταμὸσ ἐκ τοῦ Λιβάνου τοῦ οὔρεοσ ἐσ τὴν ἅλα ἐκδιδοῖ· οὔνομα τῷ ποταμῷ Ἄδωνισ ἐπικέαται. ὁ δὲ ποταμὸσ ἑκάστου ἔτεοσ αἱμάσσεται καὶ τὴν χροιὴν ὀλέσασ ἐσπίπτει ἐσ τὴν θάλασσαν καὶ φοινίσσει τὸ πολλὸν τοῦ πελάγεοσ καὶ σημαίνει τοῖσ Βυβλίοισ τὰ πένθεα. μυθέονται δὲ ὅτι ταύτῃσι τῇσι ἡμέρῃσιν ὁ Ἄδωνισ ἀνὰ τὸν Λίβανον τιτρώσκεται, καὶ τὸ αἷμα ἐσ τὸ ὕδωρ ἐρχόμενον ἀλλάσσει τὸν ποταμὸν καὶ τῷ ῥόῳ τὴν ἐπωνυμίην διδοῖ. ταῦτα μὲν οἱ πολλοὶ λέγουσιν. ἐμοὶ δέ τισ ἀνὴρ Βύβλιοσ ἀληθέα δοκέων λέγειν ἑτέρην ἀπηγέετο τοῦ πάθεοσ αἰτίην. ἔλεγεν δὲ ὧδε· "ὁ Ἄδωνισ ὁ ποταμόσ, ὦ ξεῖνε, διὰ τοῦ Λιβάνου ἔρχεται· "ὁ δὲ Λίβανοσ κάρτα ξανθόγεώσ ἐστιν. "ἄνεμοι ὦν τρηχέεσ ἐκείνῃσι τῇσι ἡμέρῃσι ἱστάμενοι τὴν γῆν τῷ ποταμῷ ἐπιφέρουσιν ἐοῦσαν ἐσ τὰ μάλιστα μιλτώδεα, ἡ δὲ γῆ μιν αἱμώδεα τίθησιν καὶ τοῦδε τοῦ πάθεοσ οὐ τὸ αἷμα, τὸ λέγουσιν, ἀλλ’ ἡ χώρη αἰτίη. ὁ μέν μοι Βύβλιοσ τοσάδε ἀπηγέετο· εἰ δὲ ἀτρεκέωσ ταῦτα ἔλεγεν, ἐμοὶ μὲν δοκέει κάρτα θείη καὶ τοῦ ἀνέμου ἡ συντυχίη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Lucian, De Syria dea, (no name) 8:

(루키아노스, De Syria dea, (no name) 8:)

상위

목록

SEARCH

MENU NAVIGATION