Homer, Odyssey, Book 18 60:

(호메로스, 오디세이아, Book 18 60:)

τὸν δ’ ἀπαμειβόμενοσ προσέφη πολύμητισ Ὀδυσσεύσ· "Εὐρύμαχ’, εἰ γὰρ νῶϊν ἔρισ ἔργοιο γένοιτο ὡρ́ῃ ἐν εἰαρινῇ, ὅτε τ’ ἤματα μακρὰ πέλονται, ἐν ποίῃ, δρέπανον μὲν ἐγὼν εὐκαμπὲσ ἔχοιμι, καὶ δὲ σὺ τοῖον ἔχοισ, ἵνα πειρησαίμεθα ἔργου νήστιεσ ἄχρι μάλα κνέφαοσ, ποίη δὲ παρείη. εἰ δ’ αὖ καὶ βόεσ εἰε͂ν ἐλαυνέμεν, οἵ περ ἄριστοι, αἴθωνεσ, μεγάλοι, ἄμφω κεκορηότε ποίησ, ἥλικεσ, ἰσοφόροι, τῶν τε σθένοσ οὐκ ἀλαπαδνόν, τετράγυον δ’ εἰή, εἴκοι δ’ ὑπὸ βῶλοσ ἀρότρῳ· τῷ κέ μ’ ἴδοισ, εἰ ὦλκα διηνεκέα προταμοίμην. εἰ δ’ αὖ καὶ πόλεμόν ποθεν ὁρμήσειε Κρονίων σήμερον, αὐτὰρ ἐμοὶ σάκοσ εἰή καὶ δύο δοῦρε καὶ κυνέη πάγχαλκοσ, ἐπὶ κροτάφοισ ἀραρυῖα, τῷ κέ μ’ ἴδοισ πρώτοισιν ἐνὶ προμάχοισι μιγέντα, οὐδ’ ἄν μοι τὴν γαστέρ’ ὀνειδίζων ἀγορεύοισ. ἀλλὰ μάλ’ ὑβρίξεισ, καί τοι νόοσ ἐστὶν ἀπηνήσ· καί πού τισ δοκέεισ μέγασ ἔμμεναι ἠδὲ κραταιόσ, οὕνεκα πὰρ παύροισι καὶ οὐκ ἀγαθοῖσιν ὁμιλεῖσ. εἰ δ’ Ὀδυσεὺσ ἔλθοι καὶ ἵκοιτ’ ἐσ πατρίδα γαῖαν, αἶψά κέ τοι τὰ θύρετρα, καὶ εὐρέα περ μάλ’ ἐόντα, φεύγοντι στείνοιτο διὲκ προθύροιο θύραζε.

SEARCH

MENU NAVIGATION