Homer, Odyssey, Book 3 19:

τὸν δ’ αὖ Τηλέμαχοσ πεπνυμένοσ ἀντίον ηὔδα· "ὦ Νέστορ Νηληϊάδη, μέγα κῦδοσ Ἀχαιῶν, καὶ λίην κεῖνοσ μὲν ἐτίσατο, καί οἱ Ἀχαιοὶ οἴσουσι κλέοσ εὐρὺ καὶ ἐσσομένοισι πυθέσθαι· αἲ γὰρ ἐμοὶ τοσσήνδε θεοὶ δύναμιν περιθεῖεν, τίσασθαι μνηστῆρασ ὑπερβασίησ ἀλεγεινῆσ, οἵ τέ μοι ὑβρίζοντεσ ἀτάσθαλα μηχανόωνται. ἀλλ’ οὔ μοι τοιοῦτον ἐπέκλωσαν θεοὶ ὄλβον, πατρί τ’ ἐμῷ καὶ ἐμοί· νῦν δὲ χρὴ τετλάμεν ἔμπησ.