Homer, Iliad, Book 14 8:

(호메로스, 일리아스, Book 14 8:)

τὸν δ’ αὖτε προσέειπεν ἄναξ ἀνδρῶν Ἀγαμέμνων· Νέστορ ἐπεὶ δὴ νηυσὶν ἔπι πρυμνῇσι μάχονται, τεῖχοσ δ’ οὐκ ἔχραισμε τετυγμένον, οὐδέ τι τάφροσ, ᾗ ἔπι πολλὰ πάθον Δαναοί, ἔλποντο δὲ θυμῷ ἄρρηκτον νηῶν τε καὶ αὐτῶν εἶλαρ ἔσεσθαι· οὕτω που Διὶ μέλλει ὑπερμενέϊ φίλον εἶναι νωνύμνουσ ἀπολέσθαι ἀπ’ Ἄργεοσ ἐνθάδ’ Ἀχαιούσ. ᾔδεα μὲν γὰρ ὅτε πρόφρων Δαναοῖσιν ἄμυνεν, οἶδα δὲ νῦν ὅτε τοὺσ μὲν ὁμῶσ μακάρεσσι θεοῖσι κυδάνει, ἡμέτερον δὲ μένοσ καὶ χεῖρασ ἔδησεν. ἀλλ’ ἄγεθ’ ὡσ ἂν ἐγὼν εἴπω πειθώμεθα πάντεσ. νῆεσ ὅσαι πρῶται εἰρύαται ἄγχι θαλάσσησ ἕλκωμεν, πάσασ δὲ ἐρύσσομεν εἰσ ἅλα δῖαν, ὕψι δ’ ἐπ’ εὐνάων ὁρμίσσομεν, εἰσ ὅ κεν ἔλθῃ νὺξ ἀβρότη, ἢν καὶ τῇ ἀπόσχωνται πολέμοιο Τρῶεσ· ἔπειτα δέ κεν ἐρυσαίμεθα νῆασ ἁπάσασ. οὐ γάρ τισ νέμεσισ φυγέειν κακόν, οὐδ’ ἀνὰ νύκτα. βέλτερον ὃσ φεύγων προφύγῃ κακὸν ἠὲ ἁλώῃ.

SEARCH

MENU NAVIGATION