호흡부호 보기
강세부호 보기
장단부호 보기
작은 Iota 보기
모든 부호 보기
τὸν δ’ Ἑλένη τανύπεπλοσ ἀμείβετο δῖα γυναικῶν· οὗτοσ δ’ Αἰάσ ἐστὶ πελώριοσ ἑρ́κοσ Ἀχαιῶν· Ἰδομενεὺσ δ’ ἑτέρωθεν ἐνὶ Κρήτεσσι θεὸσ ὣσ ἕστηκ’, ἀμφὶ δέ μιν Κρητῶν ἀγοὶ ἠγερέθονται. πολλάκι μιν ξείνισσεν ἀρηί̈φιλοσ Μενέλαοσ οἴκῳ ἐν ἡμετέρῳ ὁπότε Κρήτηθεν ἵκοιτο. νῦν δ’ ἄλλουσ μὲν πάντασ ὁρῶ ἑλίκωπασ Ἀχαιούσ, οὕσ κεν ἐὺ̈ γνοίην καί τ’ οὔνομα μυθησαίμην· δοιὼ δ’ οὐ δύναμαι ἰδέειν κοσμήτορε λαῶν Κάστορά θ’ ἱππόδαμον καὶ πὺξ ἀγαθὸν Πολυδεύκεα αὐτοκασιγνήτω, τώ μοι μία γείνατο μήτηρ. ἢ οὐχ ἑσπέσθην Λακεδαίμονοσ ἐξ ἐρατεινῆσ, ἢ δεύρω μὲν ἕποντο νέεσσ’ ἔνι ποντοπόροισι, νῦν αὖτ’ οὐκ ἐθέλουσι μάχην καταδύμεναι ἀνδρῶν αἴσχεα δειδιότεσ καὶ ὀνείδεα πόλλ’ ἅ μοί ἐστιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기