호흡부호 보기
강세부호 보기
장단부호 보기
작은 Iota 보기
모든 부호 보기
ἵπποι μὲν μέγ’ ἄρισται ἔσαν Φηρητιάδαο, τὰσ Εὔμηλοσ ἔλαυνε ποδώκεασ ὄρνιθασ ὣσ ὄτριχασ οἰέτεασ σταφύλῇ ἐπὶ νῶτον ἐί̈σασ· τὰσ ἐν Πηρείῃ θρέψ’ ἀργυρότοξοσ Ἀπόλλων ἄμφω θηλείασ, φόβον Ἄρηοσ φορεούσασ. ἀνδρῶν αὖ μέγ’ ἄριστοσ ἐήν Τελαμώνιοσ Αἰάσ ὄφρ’ Ἀχιλεὺσ μήνιεν· ὃ γὰρ πολὺ φέρτατοσ ἠε͂ν, ἵπποι θ’ οἳ φορέεσκον ἀμύμονα Πηλεί̈ωνα. ἀλλ’ ὃ μὲν ἐν νήεσσι κορωνίσι ποντοπόροισι κεῖτ’ ἀπομηνίσασ Ἀγαμέμνονι ποιμένι λαῶν Ἀτρεί̈δῃ· λαοὶ δὲ παρὰ ῥηγμῖνι θαλάσσησ δίσκοισιν τέρποντο καὶ αἰγανέῃσιν ἱέντεσ τόξοισίν θ’· ἵπποι δὲ παρ’ ἁρ́μασιν οἷσιν ἕκαστοσ λωτὸν ἐρεπτόμενοι ἐλεόθρεπτόν τε σέλινον ἕστασαν· ἁρ́ματα δ’ εὖ πεπυκασμένα κεῖτο ἀνάκτων ἐν κλισίῃσ· οἳ δ’ ἀρχὸν ἀρηί̈φιλον ποθέοντεσ φοίτων ἔνθα καὶ ἔνθα κατὰ στρατὸν οὐδὲ μάχοντο.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기