Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 4.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 4.)

Τιτρώσκεται δὲ ὀστέον τὸ ἐν τῇ κεφαλῇ τοσούσδε τρόπουσ‧ τῶν δὲ τρόπων ἑκάστου πλέονεσ ἰδέαι γίγνονται τοῦ κατήγματοσ ἐν τῇ τρώσει. Ὀστέον Ῥήγνυται τιτρωσκόμενον, καὶ τῷ περιέχοντι ὀστέῳ τὴν Ῥωγμὴν, ἀνάγκη φλάσιν προσγίγνεσθαι, ἤνπερ Ῥαγῇ‧ τῶν γὰρ βελέων ὅ τι περ Ῥήγνυσι τὸ ὀστέον, τὸ αὐτὸ τοῦτο καὶ φλᾷ τὸ ὀστέον ἢ μᾶλλον, ἢ ἧσσον, αὐτό τε ἐν ᾧπερ καὶ Ῥήγνυσι τὴν Ῥωγμὴν, καὶ τὰ περιέχοντα ὀστέα τὴν Ῥώγμήν‧ εἷσ οὗτοσ τρόποσ. Ἰδέαι δὲ Ῥωγμέων παντοῖαι γίγνονται‧ καὶ γὰρ λεπτότεραί τε καὶ λεπταὶ πάνυ, ὥστε οὐ καταφανέεσ γίγνονται ἔστιν αἳ τῶν Ῥωγμέων, οὔτε αὐτίκα μετὰ τὴν τρῶσιν, οὔτ’ ἐν τῇσιν ἡμέρῃσιν, ἐν ᾗσιν ἂν καὶ πλέον ὄφελοσ γένοιτο ἐκ τούτου τῷ ἀνθρώπῳ‧ αἱ δ’ αὖ παχύτεραί τε καὶ εὐρύτεραι Ῥήγνυνται τῶν Ῥωγμέων‧ ἔνιαι δὲ καὶ πάνυ εὐρέαι. Ἔστι δὲ αὐτέων καὶ αἳ μὲν ἐπὶ μακρότερον Ῥήγνυνται, αἳ δὲ ἐπὶ βραχύτερον. Καὶ αἱ μὲν ἰθύτεραί τε καὶ ἰθεῖαι πάνυ, αἱ δὲ καμπυλώτεραί τε καὶ καμπύλαι‧ καὶ βαθύτεραί τε ἐσ τὸ κάτω καὶ διὰ παντὸσ τοῦ ὀστέου, καὶ ἧσσον βαθεῖαι ἐσ τὸ κάτω, καὶ οὐ διὰ παντὸσ τοῦ ὀστέου.

일치하는 문장이 없습니다.

SEARCH

MENU NAVIGATION