호흡부호 보기
강세부호 보기
장단부호 보기
작은 Iota 보기
모든 부호 보기
Ἐχρῆν τὸν ἰητρὸν τῶν ἐκπτωσίων τε καὶ κατηγμάτων ὡσ ἰθυτάτασ τὰσ κατατάσιασ ποιέεσθαι‧ αὕτη γὰρ ἡ δικαιοτάτη φύσισ. Ἢν δέ τι ἐγκλίνῃ ἢ τῇ ἢ τῇ, ἐπὶ τὸ πρηνὲσ Ῥέπειν‧ ἐλάσσων γὰρ ἡ ἁμαρτὰσ ἢ ἐπὶ τὸ ὕπτιον. Οἱ μὲν οὖν μηδὲν προβουλεύσαντεσ οὐδὲν ἐξαμαρτάνουσιν ὡσ ἐπὶ τὸ πουλύ‧ αὐτὸσ γὰρ ὁ ἐπιδεόμενοσ τὴν χεῖρα ἀπορέγει, οὕτωσ ὑπὸ τῆσ δικαίησ φύσιοσ ἀναγκαζόμενοσ‧ οἱ δὲ ἰητροὶ σοφιζόμενοι δῆθεν ἐστὶν οἳ ἁμαρτάνουσιν. Σπουδὴ μὲν οὐ πολλὴ χεῖρα κατεαγυῖαν χειρίσαι, καὶ παντὸσ δὲ ἰητροῦ, ὡσ ἔποσ εἰπεῖν‧ ἀναγκάζομαι δ’ ἐγὼ πλείω γράφειν περὶ αὐτέου, ὅτι οἶδα ἰητροὺσ σοφοὺσ δόξαντασ εἶναι ἀπὸ σχημάτων χειρὸσ εν ἐπιδέσει, ἀφ’ ὧν ἀμαθέασ αὐτέουσ ἐχρῆν δοκέειν εἶναι. Ἄλλα γὰρ πολλὰ οὕτω ταύτησ τῆσ τέχνησ κρίνεται‧ τὸ γὰρ ξενοπρεπὲσ οὔπω ξυνιέντεσ εἰ χρηστὸν, μᾶλλον ἐπαινέουσιν, ἢ τὸ ξύνηθεσ, ὃ ἤδη οἴδασιν ὅτι χρηστὸν, καὶ τὸ ἀλλόκοτον, ἢ τὸ εὔδηλον. Ῥητέον οὖν ὁκόσασ ἐθέλω τῶν ἁμαρτάδων τῶν ἰητρῶν, τὰσ μὲν ἀποδιδάξαι, τὰσ δὲ διδάξαι περὶ τῆσ φύσιοσ τῆσ χειρόσ‧ καὶ γὰρ ἄλλων ὀστέων τῶν κατὰ τὸ σῶμα δίδαγμα ὅδε ὁ λόγοσ ἐστίν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기