Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 43.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 43.)

Ὅσοισι μὲν οὖν ἐγγὺσ τοῦ αὐχένοσ ἡ κύφωσισ γίνεται, ἧσσον εἰκὸσ ὠφελέειν τὰσ κατασείσιασ ταύτασ τὰσ ἐπὶ κεφαλὴν‧ σμικρὸν γὰρ τὸ βάροσ ἡ κεφαλὴ καὶ τὰ ἀκρώμια καταῤῬέποντα‧ ἀλλὰ τούσ γε τοιούτουσ εἰκὸσ ἐπὶ τοὺσ πόδασ κατασεισθέντασ μᾶλλον ἐξιθυνθῆναι‧ μέζων γὰρ οὕτωσ ἡ καταῤῬοπίη ἡ ἐπὶ ταῦτα. Ὅσοισι δὲ κατωτέρω τὸ ὕβωμα, τουτέοισιν εἰκὸσ μᾶλλον ἐπὶ κεφαλὴν κατασείεσθαι. Εἰ οὖν τισ ἐθέλοι κατασείειν, ὀρθῶσ ἂν ὧδε σκευάζοι‧ τὴν μὲν κλίμακα χρὴ σκυτίνοισιν ὑποκεφαλαίοισι πλαγίοισιν, ἢ ἐρινέοισι, καταστρῶσαι εὖ προσ δεδεμένοισιν, ὀλίγῳ πλέον καὶ ἐπὶ μῆκοσ καὶ ἔνθεν καὶ ἔνθεν, ἢ ὅσον ἂν τὸ σῶμα τοῦ ἀνθρώπου κατάσχοι‧ ἔπειτα τὸν ἄνθρωπον ὕπτιον κατακλῖναι ἐπὶ τὴν κλίμακα χρή‧ κἄπειτα προσδῆσαι μὲν τοὺσ πόδασ παρὰ τὰ σφυρὰ πρὸσ τὴν κλίμακα μὴ διαβεβῶτασ, δεσμῷ εὐόχῳ μὲν, μαλθακῷ δέ‧ προσδῆσαι δὲ κατωτέρω ἑκάτερον τῶν γουνάτων, καὶ ἀνωτέρω‧ προσδῆσαι δὲ καὶ κατὰ τὰ ἰσχία‧ κατὰ δὲ τοὺσ κενεῶνασ καὶ κατὰ τὸ στῆθοσ χαλαρῇσι ταινίῃσι περιβαλέειν οὕτωσ, ὅκωσ μὴ κωλύωσι τὴν κατάσεισιν‧ τὰσ δὲ χεῖρασ παρὰ τὰσ πλευρὰσ παρατείναντα προσκαταλαβεῖν πρὸσ αὐτὸ τὸ σῶμα, καὶ μὴ πρὸσ τὴν κλίμακα. Ὅταν δὲ ταῦτα κατασκευάσῃσ οὕτωσ, ἀνέλκειν τὴν κλίμακα ἢ πρὸσ τύρσιν τινὰ ὓψηλὴν, ἢ πρὸσ ἀέτωμα οἴκου‧ τὸ δὲ χωρίον, ἵνα κατασείεισ, ἀντίτυπον ἔστω‧ τοὺσ δὲ ἀνατείνοντασ εὐπαιδεύτουσ χρὴ εἶναι, ὅκωσ ὁμαλῶσ καὶ ἰσοῤῬόπωσ καὶ ἐξαπιναίωσ ἀφήσουσι, καὶ μήτε ἡ κλίμαξ ἑτερόῤῬοποσ ἐπὶ τὴν γῆν ἀφίξεται, μήτε αὐτοὶ προπετέεσ ἔσονται. Ἀπὸ μέντοι τύρσιοσ ἀφιεὶσ ἢ ἀπὸ ἱστοῦ καταπεπηγότοσ καρχήσιον ἔχοντοσ, ἔτι κάλλιον ἄν τισ σκευάσαιτο, ὥστε ἀπὸ τροχιλίησ τὰ χαλώμενα εἶναι ὅπλα, ἢ ἀπὸ ὄνου. Αἠδὲσ μὴν καὶ μακρολογέειν περὶ τούτων‧ ὅμωσ δὲ ἐκ τουτέων ἂν τῶν κατασκευῶν κάλλιστ’ ἄν τισ κατασεισθείη.

일치하는 문장이 없습니다.

SEARCH

MENU NAVIGATION