호흡부호 보기
강세부호 보기
장단부호 보기
작은 Iota 보기
모든 부호 보기
Δῆλα δὲ ταῦτα ὅτι ὧδε ἔχει ἐπὶ τῶνδε τῶν σημείων· πρῶτον μὲν ἐπὶ τὰ φανερώτερα, ὧν πάντεσ ἔμπειροι πολλάκισ ἐσμέν τε καὶ ἐσόμεθα. τοῦτο μὲν γάρ, ὅσοισι ἂν ἡμέων κόρυζα ἐγγένηται καὶ Ῥεῦμα κινηθῇ διὰ τῶν Ῥινῶν, τοῦτο ὡσ τὸ πολὺ δριμύτερον τοῦ πρότερον γινομένου τε καὶ ἰόντοσ ἐκ τῶν Ῥινῶν καθ’ ἑκάστην ἡμέρην καὶ οἰδεῖν μὲν ποιεῖ τὴν Ῥῖνα καὶ συγκαίει θερμήν τε καὶ διάπυρον ἐσχάτωσ, ἢν δὴ τὴν χεῖρα προσ φέρῃσ· κἢν πλείω χρόνον παρῇ, καὶ ἐξελκοῦται τὸ χωρίον ἄσαρκόν τε καὶ σκληρὸν ἐόν. παύεται δέ πωσ τὸ καῦμα ἐκ τῆσ Ῥινόσ, οὐχ ὅταν τὸ Ῥεῦμα γίνηται καὶ ἡ φλεγμονὴ ᾖ, ἀλλ’ ἐπειδὰν παχύτερόν τε καὶ ἧσσον δριμὺ Ῥέῃ, πέπον καὶ μεμιγμένον μᾶλλον τοῦ πρότερον γινομένου, τότε δὲ ἤδη καὶ τὸ καῦμα πέπαυται. ἀλλ’ οἷσι δὲ ὑπὸ ψύχεοσ φανερῶσ αὐτοῦ μούνου γίνεται μηδενὸσ ἄλλου συμπαραγενομένου, πᾶσι δὲ ἡ αὐτὴ ἀπαλλαγή, ἐκ μὲν τῆσ ψύξιοσ διαθερμανθῆναι, ἐκ δὲ τοῦ καύματοσ διαψυχθῆναι, καὶ ταῦτα ταχέωσ παραγίνεται καὶ πέψιοσ οὐδεμιῆσ προσδεῖται. τὰ δ’ ἄλλα πάντα, ὅσα διὰ χυμῶν δριμύτητασ καὶ ἀκρησίασ, φημὶ ἔγωγε γίνεσθαι τὸν αὐτὸν τρόπον καὶ ἀποκαθίστασθαι πεφθέντα καὶ κρηθέντα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기