Hesiod, Theogony, Book Th. 80:

ἐκ δὲ Τυφωέοσ ἔστ’ ἀνέμων μένοσ ὑγρὸν ἀέντων, νόσφι Νότου Βορέω τε καὶ ἀργέστεω Ζεφύροιο· οἵ γε μὲν ἐκ θεόφιν γενεή, θνητοῖσ μέγ’ ὄνειαρ· οἱ δ’ ἄλλοι μαψαῦραι ἐπιπνείουσι θάλασσαν· αἳ δή τοι πίπτουσαι ἐσ ἠεροειδέα πόντον, πῆμα μέγα θνητοῖσι, κακῇ θυίουσιν ἀέλλῃ· ἄλλοτε δ’ ἄλλαι ἀείσι διασκιδνᾶσί τε νῆασ ναύτασ τε φθείρουσι· κακοῦ δ’ οὐ γίγνεται ἀλκὴ ἀνδράσιν, οἳ κείνῃσι συνάντωνται κατὰ πόντον· αἳ δ’ αὖ καὶ κατὰ γαῖαν ἀπείριτον ἀνθεμόεσσαν ἔργ’ ἐρατὰ φθείρουσι χαμαιγενέων ἀνθρώπων πιμπλεῖσαι κόνιόσ τε καὶ ἀργαλέου κολοσυρτοῦ.