헬라어 문장 검색 - Ηεσιοδ́Τηεογον́1́0́067́

(헤시오도스, 신들의 계보, Book Th. 67:)

οὐδ’ ἄρ’ ἔτι Ζεὺσ ἴσχεν ἑὸν μένοσ, ἀλλά νυ τοῦ γε εἶθαρ μὲν μένεοσ πλῆντο φρένεσ, ἐκ δέ τε πᾶσαν φαῖνε βίην· ἄμυδισ δ’ ἄρ’ ἀπ’ οὐρανοῦ ἠδ’ ἀπ’ Ὀλύμπου ἀστράπτων ἔστειχε συνωχαδόν· οἱ δὲ κεραυνοὶ ἴκταρ ἅμα βροντῇ τε καὶ ἀστεροπῇ ποτέοντο χειρὸσ ἄπο στιβαρῆσ, ἱερὴν φλόγα εἰλυφόωντεσ ταρφέεσ· ἀμφὶ δὲ γαῖα φερέσβιοσ ἐσμαράγιζε καιομένη, λάκε δ’ ἀμφὶ πυρὶ μεγάλ’ ἄσπετοσ ὕλη. ἔζεε δὲ χθὼν πᾶσα καὶ Ὠκεανοῖο ῥέεθρα πόντοσ τ’ ἀτρύγετοσ· τοὺσ δ’ ἄμφεπε θερμὸσ ἀυτμὴ Τιτῆνασ χθονίουσ, φλὸξ δ’ αἰθέρα δῖαν ἵκανεν ἄσπετοσ, ὄσσε δ’ ἄμερδε καὶ ἰφθίμων περ ἐόντων αὐγὴ μαρμαίρουσα κεραυνοῦ τε στεροπῆσ τε. καῦμα δὲ θεσπέσιον κάτεχεν Χάοσ· εἴσατο δ’ ἄντα ὀφθαλμοῖσιν ἰδεῖν ἠδ’ οὐάσι ὄσσαν ἀκοῦσαι αὔτωσ, ὡσ εἰ Γαῖα καὶ Οὐρανὸσ εὐρὺσ ὕπερθε πίλνατο· τοῖοσ γάρ κε μέγασ ὑπὸ δοῦποσ ὀρώρει τῆσ μὲν ἐρειπομένησ, τοῦ δ’ ὑψόθεν ἐξεριπόντοσ· τόσσοσ δοῦποσ ἔγεντο θεῶν ἔριδι ξυνιόντων. σὺν δ’ ἄνεμοι ἔνοσίν τε κονίην τ’ ἐσφαράγιζον βροντήν τε στεροπήν τε καὶ αἰθαλόεντα κεραυνόν, κῆλα Διὸσ μεγάλοιο, φέρον δ’ ἰαχήν τ’ ἐνοπήν τε ἐσ μέσον ἀμφοτέρων· ὄτοβοσ δ’ ἄπλητοσ ὀρώρει σμερδαλέησ ἔριδοσ, κάρτοσ δ’ ἀνεφαίνετο ἔργων. ἐκλίνθη δὲ μάχη· πρὶν δ’ ἀλλήλοισ ἐπέχοντεσ ἐμμενέωσ ἐμάχοντο διὰ κρατερὰσ ὑσμίνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Hesiod, Theogony, Book Th. 67:

(헤시오도스, 신들의 계보, Book Th. 67:)

상위

목록

SEARCH

MENU NAVIGATION