Hesiod, Shield of Heracles, Book Sh. 43:

(헤시오도스, 헤라클레스의 방패, Book Sh. 43:)

ὣσ ἔφατ’· ἀλλ’ οὐ πεῖθ’ Ἄρεοσ μεγαλήτορα θυμόν, ἀλλὰ μέγα ἰάχων φλογὶ εἴκελά τ’ ἔγχεα πάλλων καρπαλίμωσ ἐπόρουσε βίῃ Ἡρακληείῃ κακτάμεναι μεμαώσ· καί ῥ’ ἔμβαλε χάλκεον ἔγχοσ, σπερχνὸν παιδὸσ ἑοῦ κοτέων πέρι τεθνηῶτοσ, ἐν σάκεϊ μεγάλῳ. ἀπὸ δὲ γλαυκῶπισ Ἀθήνη ἔγχεοσ ὁρμὴν ἔτραπ’ ὀρεξαμένη ἀπὸ δίφρου. δριμὺ δ’ Ἄρην ἄχοσ εἷλε· ἐρυσσάμενοσ δ’ ἀόρ ὀξὺ ἔσσυτ’ ἐφ’ Ἡρακλέα κρατερόφρονα· τὸν δ’ ἐπιόντα Ἀμφιτρυωνιάδησ, δεινῆσ ἀκόρητοσ ἀυτῆσ, μηρὸν γυμνωθέντα σάκευσ ὕπο δαιδαλέοιο οὔτασ’ ἐπικρατέωσ· διὰ δὲ μέγα σαρκὸσ ἄραξε δούρατι νωμήσασ, ἐπὶ δὲ χθονὶ κάββαλε μέσσῃ. τῷ δὲ Φόβοσ καὶ Δεῖμοσ ἐύτροχον ἁρ́μα καὶ ἵππουσ ἤλασαν αἶψ’ ἐγγύσ, καὶ ἀπὸ χθονὸσ εὐρυοδείησ ἐσ δίφρον θῆκαν πολυδαίδαλον· αἶψα δ’ ἔπειτα ἵππουσ μαστιέτην· ἵκοντο δὲ μακρὸν Ὄλυμπον.

상위

Hesiod (헤시오도스)

목록

SEARCH

MENU NAVIGATION