Ancient Greek Text

Herodotus, The Histories, book 5, chapter 20

(헤로도토스, The Histories, book 5, chapter 20)

ὡσ δὲ ὁ Ἀμύντησ χρηίσασ τούτων οἰχώκεε, λέγει ὁ Ἀλέξανδροσ πρὸσ τοὺσ Πέρσασ "γυναικῶν τουτέων, ὦ ξεῖνοι, ἔστι ὑμῖν πολλὴ εὐπετείη, καὶ εἰ πάσῃσι βούλεσθε μίσγεσθαι καὶ ὁκόσῃσι ὦν αὐτέων. τούτου μὲν πέρι αὐτοὶ ἀποσημανέετε·

νῦν δέ, σχεδὸν γὰρ ἤδη τῆσ κοίτησ ὡρ́η προσέρχεται ὑμῖν καὶ καλῶσ ἔχοντασ ὑμέασ ὁρῶ μέθησ, γυναῖκασ ταύτασ, εἰ ὑμῖν φίλον ἐστί, ἄπετε λούσασθαι, λουσαμένασ δὲ ὀπίσω προσδέκεσθε. εἴπασ ταῦτα, συνέπαινοι γὰρ ἦσαν οἱ Πέρσαι, γυναῖκασ μὲν ἐξελθούσασ ἀπέπεμπε ἐσ τὴν γυναικηίην, αὐτὸσ δὲ ὁ Ἀλέξανδροσ ἴσουσ τῇσι γυναιξὶ ἀριθμὸν ἄνδρασ λειογενείουσ τῇ τῶν γυναικῶν ἐσθῆτι σκευάσασ καὶ ἐγχειρίδια δοὺσ ἦγε ἔσω, παράγων δὲ τούτουσ ἔλεγε τοῖσι Πέρσῃσι τάδε.

"ὦ Πέρσαι, οἴκατε πανδαισίῃ τελέῃ ἱστιῆσθαι·

τά τε γὰρ ἄλλα ὅσα εἴχομεν, καὶ πρὸσ τὰ οἱᾶ́ τε ἦν ἐξευρόντασ παρέχειν, πάντα ὑμῖν πάρεστι, καὶ δὴ καὶ τόδε τὸ πάντων μέγιστον, τάσ τε ἑωυτῶν μητέρασ καὶ τὰσ ἀδελφεὰσ ἐπιδαψιλευόμεθα ὑμῖν, ὡσ παντελέωσ μάθητε τιμώμενοι πρὸσ ἡμέων τῶν περ ἐστὲ ἄξιοι, πρὸσ δὲ καὶ βασιλέι τῷ πέμψαντι ἀπαγγείλητε ὡσ ἀνὴρ Ἕλλην Μακεδόνων ὕπαρχοσ εὖ ὑμέασ ἐδέξατο καὶ τραπέζῃ καὶ κοίτῃ. ταῦτα εἴπασ ὁ Ἀλέξανδροσ παρίζει Πέρσῃ ἀνδρὶ ἄνδρα Μακεδόνα ὡσ γυναῖκα τῷ λόγῳ·

οἳ δέ, ἐπείτε σφέων οἱ Πέρσαι ψαύειν ἐπειρῶντο, διεργάζοντο αὐτούσ.