Galen, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 6

(갈레노스, On the Natural Faculties., ΓΑΛΗΝΟΥ ΠΕΡΙ ΦΥΣΙΚΩΝ ΔΥΝΑΜΕΩΝ Α, section 6)

περὶ πρώτησ οὖν τῆσ γενέσεωσ εἴπωμεν, ἣν ἐξ ἀλλοιώσεώσ θ’ ἅμα καὶ διαπλάσεωσ ἐλέγομεν γίγνεσθαι. Καταβληθέντοσ δὴ τοῦ σπέρματοσ εἰσ τὴν μήτραν εἰσ τὴν γῆν, οὐδὲν γὰρ διαφέρει, χρόνοισ τιοὶν ὡρισμένοισ πάμπολλα συνίσταται μόρια τῆσ γεννωμένησ οὐσίασ ὑγρότητι καὶ ξηρότητι καὶ ψυχρότητι καὶ θερμότητι καὶ τοῖσ ἄλλοισ ἅπασιν, ὅσα τούτοισ ἕπεται, διαφέροντα. τὰ δ’ ἑπόμενα γιγνώσκεισ, εἴπερ ὅλωσ ἐφιλοσόφησάσ τι περὶ γενέσεωσ καὶ φθορᾶσ· αἱ λοιπαὶ γὰρ τῶν ἁπτῶν ὀνομαζομένων διαφορῶν ταῖσ εἰρημέναισ ἕπονται πρῶται καὶ μάλιστα, μετὰ δὲ ταύτασ αἱ γευσταί τε καὶ ὀσφρηταὶ καὶ ὁραταί. σκληρότησ μὲν οὖν καὶ μαλακότησ καὶ γλισχρότησ καὶ κραυρότησ καὶ κουφότησ καὶ βαρύτησ καὶ πυκνότησ καὶ ἀραιότησ καὶ λειότησ καὶ τραχύτησ καὶ παχύτησ καὶ λεπτότησ ἁπταὶ διαφοραὶ καὶ εἴρηται περὶ πασῶν Ἀριστοτέλει καλῶσ. οἶσθα δὲ δήπου καὶ τὰσ γευστάσ τε καὶ ὀσφρητὰσ καὶ ὁρατὰσ διαφοράσ. ὥστ’, εἰ μὲν τὰσ πρώτασ τε καὶ στοιχειώδεισ ἀλλοιωτικὰσ δυνάμεισ ζητοίησ, ὑγρότησ ἐστὶ καὶ ξηρότησ καὶ ψυχρότησ καὶ θερμότησ· εἰ δὲ τὰσ ἐκ τῆσ τούτων κράσεωσ γενομένασ, τοσαῦται καθ’ ἕκαστον ἔσονται ζῷον, ὅσαπερ ἂν αὐτοῦ τὰ αἰσθητὰ στοιχεῖα ὑπάρχῃ· καλεῖται δ’ αἰσθητὰ στοιχεῖα τὰ ὁμοιομερῆ πάντα τοῦ σώματοσ μόρια· καὶ ταῦτ’ οὐκ ἐκ μεθόδου τινὸσ ἀλλ’ αὐτόπτην γενόμενον ἐκμαθεῖν χρὴ διὰ τῶν ἀνατομῶν. ὀστοῦν δὴ καὶ χόνδρον καὶ νεῦρον καὶ ὑμένα καὶ σύνδεσμον καὶ φλέβα καὶ πάνθ’ ὅσα τοιαῦτα κατὰ τὴν πρώτην τοῦ ζῳού γένεσιν ἡ φύσισ ἀπεργάζεται δυνάμει χρωμένη καθόλου μὲν εἰπεῖν τῇ γεννητικῇ τε καὶ ἀλλοιωτικῇ, κατὰ μέροσ δὲ θερμαντικῇ τε καὶ ψυκτικῇ καὶ ξηραντικῇ καὶ ὑγραντικῇ καὶ ταῖσ ἐκ τῆσ τούτων κράσεωσ γενομέναισ, οἱο͂ν ὀστοποιητικῇ τε καὶ νευροποιητικῇ καὶ χονδροποιητικῇ· σαφηνείασ γὰρ ἕνεκα καὶ τούτοισ τοῖσ ὀνόμασι χρηστέον. ἔστι γοῦν καὶ ἡ ἰδία σὰρξ τοῦ ἥπατοσ ἐκ τούτου τοῦ γένουσ καὶ ἡ τοῦ σπληνὸσ καὶ ἡ τῶν νεφρῶν καὶ ἡ τοῦ πνεύμονοσ καὶ ἡ τῆσ καρδίασ οὕτω δὲ καὶ τοῦ ἐγκεφάλου τὸ ἴδιον σῶμα καὶ τῆσ γαστρὸσ καὶ τοῦ στομάχου καὶ τῶν ἐντέρων καὶ τῶν ὑστερῶν αἰσθητὸν στοιχεῖόν ἐστιν ὁμοιομερέσ τε καὶ ἁπλοῦν καὶ ἀσύνθετον· ἐὰν γὰρ ἐξέλῃσ ἑκάστου τῶν εἰρημένων τὰσ ἀρτηρίασ τε καὶ τὰσ φλέβασ καὶ τὰ νεῦρα, τὸ ὑπόλοιπον σῶμα τὸ καθ’ ἕκαστον ὄργανον ἁπλοῦν ἐστι καὶ στοιχειῶδεσ ὡσ πρὸσ αἴσθησιν. ὅσα δὲ τῶν τοιούτων ὀργάνων ἐκ δυοῖν σύγκειται χιτώνων οὐχ ὁμοίων μὲν ἀλλήλοισ, ἁπλοῦ δ’ ἑκατέρου, τούτων οἱ χιτῶνέσ εἰσι τὰ στοιχεῖα καθάπερ τῆσ τε γαστρὸσ καὶ τοῦ στομάχου καὶ τῶν ἐντέρων καὶ τῶν ἀρτηριῶν, καὶ καθ’ ἑκάτερόν γε τῶν χιτώνων ἴδιοσ ἡ ἀλλοιωτικὴ δύναμισ ἡ ἐκ τοῦ παρὰ τῆσ μητρὸσ ἐπιμηνίου γεννήσασα τὸ μόριον, ὥστε τὰσ κατὰ μέροσ ἀλλοιωτικὰσ δυνάμεισ τοσαύτασ εἶναι καθ’ ἕκαστον ζῷον, ὅσαπερ ἂν ἔχῃ τὰ στοιχειώδη μόρια. καὶ μέν γε καὶ τὰσ ἐνεργείασ ἰδίασ ἑκάστῳ τῶν κατὰ μέροσ ἀναγκαῖον ὑπάρχειν ὥσπερ καὶ τὰσ χρείασ, οἱο͂ν καὶ τῶν ἀπὸ τῶν νεφρῶν εἰσ τὴν κύστιν διηκόντων πόρων, οἳ δὴ καὶ οὐρητῆρεσ καλοῦνται. οὗτοι γὰρ οὔτ’ ἀρτηρίαι εἰσίν, ὅτι μήτε σφύζουσι μήτ’ ἐκ δυοῖν χιτώνων συνεστήκασιν, οὔτε φλέβεσ, ὅτι μήθ’ αἷμα περιέχουσι μήτ’ ἐοίκεν αὐτῶν ὁ χιτὼν κατά τι τῷ τῆσ φλεβόσ· ἀλλὰ καὶ νεύρων ἐπὶ πλέον ἀφεστήκασιν ἢ τῶν εἰρημένων. τί ποτ’ οὖν εἰσιν; ἐρωτᾷ τισ, ὥσπερ ἀναγκαῖον ὂν ἅπαν μόριον ἢ ἀρτηρίαν ἢ φλέβα ἢ νεῦρον ὑπάρχειν ἢ ἐκ τούτων πεπλέχθαι καὶ μὴ τοῦτ’ αὐτὸ τὸ νῦν λεγόμενον, ὡσ ἴδιοσ ἑκάστῳ τῶν κατὰ μέροσ ὀργάνων ἐστὶν ἡ οὐσία. καὶ γὰρ καὶ αἱ κύστεισ ἑκάτεραι ἥ τε τὸ οὖρον ὑποδεχομένη καὶ ἡ τὴν ξανθὴν χολὴν οὐ μόνον τῶν ἄλλων ἁπάντων ἀλλὰ καὶ ἀλλήλων διαφέρουσι καὶ οἱ εἰσ τὸ ἧπαρ ἀποφυόμενοι πόροι, καθάπερ στόμαχοί τινεσ ἀπὸ τῆσ χοληδόχου κύστεωσ, οὐδὲν οὔτ’ ἀρτηρίαισ οὔτε φλεψὶν οὔτε νεύροισ ἐοίκασιν. ἀλλὰ περὶ μὲν τούτων ἐπὶ πλέον ἐν ἄλλοισ τέ τισι κἀν τοῖσ περὶ τῆσ Ἱπποκράτουσ ἀνατομῆσ εἴρηται. αἱ δὲ κατὰ μέροσ ἅπασαι δυνάμεισ τῆσ φύσεωσ αἱ ἀλλοιωτικαὶ αὐτὴν μὲν τὴν οὐσίαν τῶν χιτώνων τῆσ κοιλίασ καὶ τῶν ἐντέρων καὶ τῶν ὑστερῶν ἀπετέλεσαν, οἱάπέρ ἐστι· τὴν δὲ σύνθεσιν αὐτῶν καὶ τὴν τῶν ἐμφυομένων πλοκὴν καὶ τὴν εἰσ τὸ ἔντερον ἐκφυσιν καὶ τὴν τῆσ ἔνδον κοιλότητοσ ἰδέαν καὶ τἆλλ’ ὅσα τοιαῦτα δύναμίσ τισ ἑτέρα διέπλασεν, ἣν διαπλαστικὴν ὀνομάζομεν, ἣν δὴ καὶ τεχνικὴν εἶναι λέγομεν, μᾶλλον δ’ ἀρίστην καὶ ἄκραν τέχνην καὶ πάντα τινὸσ ἕνεκα ποιοῦσαν, ὡσ μηδὲν ἀργὸν εἶναι μηδὲ περιττὸν μηδ’ ὅλωσ οὕτωσ ἔχον, ὡσ δύνασθαι βέλτιον ἑτέρωσ ἔχειν. ἀλλὰ τοῦτο μὲν ἐν τοῖσ περὶ χρείασ μορίων ἀπδείξομεν.

일치하는 문장이 없습니다.

SEARCH

MENU NAVIGATION