헬라어 문장 검색 - ΕυριπίΤηεΤρος́5́7́5́

(에우리피데스, The Trojan Women, episode, antistrophe 3 5:)

ὦ φίλτατ’, ὦ περισσὰ τιμηθεὶσ τέκνον, θανῇ πρὸσ ἐχθρῶν μητέρ’ ἀθλίαν λιπών, ἡ τοῦ πατρὸσ δέ σ’ εὐγένει’ ἀποκτενεῖ, ἣ τοῖσιν ἄλλοισ γίγνεται σωτηρία, τὸ δ’ ἐσθλὸν οὐκ ἐσ καιρὸν ἦλθε σοὶ πατρόσ. ὦ λέκτρα τἀμὰ δυστυχῆ τε καὶ γάμοι, οἷσ ἦλθον ἐσ μέλαθρον Ἕκτορόσ ποτε, οὐ σφάγιον υἱὸν Δαναί̈δαισ τέξουσ’ ἐμόν, ἀλλ’ ὡσ τύραννον Ἀσιάδοσ πολυσπόρου. ὦ παῖ, δακρύεισ· αἰσθάνῃ κακῶν σέθεν; τί μου δέδραξαι χερσὶ κἀντέχῃ πέπλων, νεοσσὸσ ὡσεὶ πτέρυγασ ἐσπίτνων ἐμάσ; οὐκ εἶσιν Ἕκτωρ κλεινὸν ἁρπάσασ δόρυ γῆσ ἐξανελθὼν σοὶ φέρων σωτηρίαν, οὐ συγγένεια πατρόσ, οὐκ ἰσχὺσ Φρυγῶν· λυγρὸν δὲ πήδημ’ ἐσ τράχηλον ὑψόθεν πεσὼν ἀνοίκτωσ, πνεῦμ’ ἀπορρήξεισ σέθεν. ὦ νέον ὑπαγκάλισμα μητρὶ φίλτατον, ὦ χρωτὸσ ἡδὺ πνεῦμα· διὰ κενῆσ ἄρα ἐν σπαργάνοισ σε μαστὸσ ἐξέθρεψ’ ὅδε, μάτην δ’ ἐμόχθουν καὶ κατεξάνθην πόνοισ. νῦν ‐ οὔποτ’ αὖθισ ‐ μητέρ’ ἀσπάζου σέθεν, πρόσπιτνε τὴν τεκοῦσαν, ἀμφὶ δ’ ὠλένασ ἕλισσ’ ἐμοῖσ νώτοισι καὶ στόμ’ ἁρ́μοσον. ὦ βάρβαρ’ ἐξευρόντεσ Ἕλληνεσ κακά, τί τόνδε παῖδα κτείνετ’ οὐδὲν αἴτιον; ὦ Τυνδάρειον ἔρνοσ, οὔποτ’ εἶ Διόσ, πολλῶν δὲ πατέρων φημί σ’ ἐκπεφυκέναι, Ἀλάστοροσ μὲν πρῶτον, εἶτα δὲ Φθόνου, Φόνου τε Θανάτου θ’ ὅσα τε γῆ τρέφει κακά. οὐ γάρ ποτ’ αὐχῶ Ζῆνά γ’ ἐκφῦσαί σ’ ἐγώ, πολλοῖσι κῆρα βαρβάροισ Ἕλλησί τε. ὄλοιο· καλλίστων γὰρ ὀμμάτων ἄπο αἰσχρῶσ τὰ κλεινὰ πεδί’ ἀπώλεσασ Φρυγῶν. <ἀλλ’> ἄγετε φέρετε ῥίπτετ’, εἰ ῥίπτειν δοκεῖ· δαίνυσθε τοῦδε σάρκασ. ἔκ τε γὰρ θεῶν διολλύμεσθα, παιδί τ’ οὐ δυναίμεθ’ ἂν θάνατον ἀρῆξαι. κρύπτετ’ ἄθλιον δέμασ καὶ ῥίπτετ’ ἐσ ναῦσ· ἐπὶ καλὸν γὰρ ἔρχομαι ὑμέναιον, ἀπολέσασα τοὐμαυτῆσ τέκνον. τάλαινα Τροία, μυρίουσ ἀπώλεσασ μιᾶσ γυναικὸσ καὶ λέχουσ στυγνοῦ χάριν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, The Trojan Women, episode, antistrophe 3 5:

(에우리피데스, The Trojan Women, episode, antistrophe 3 5:)

상위

목록

SEARCH

MENU NAVIGATION