Euripides, The Trojan Women, episode, iambic 3:

(에우리피데스, The Trojan Women, episode, iambic 3:)

ἦ δεινὸσ ὁ λάτρισ. τί ποτ’ ἔχουσι τοὔνομα κήρυκεσ, ἓν ἀπέχθημα πάγκοινον βροτοῖσ, οἱ περὶ τυράννουσ καὶ πόλεισ ὑπηρέται; σὺ τὴν ἐμὴν φῂσ μητέρ’ εἰσ Ὀδυσσέωσ ἥξειν μέλαθρα; ποῦ δ’ Ἀπόλλωνοσ λόγοι, οἵ φασιν αὐτὴν εἰσ ἔμ’ ἡρμηνευμένοι αὐτοῦ θανεῖσθαι; . . . τἄλλα δ’ οὐκ ὀνειδιῶ. δύστηνοσ, οὐκ οἶδ’ οἱᾶ́ νιν μένει παθεῖν· ὡσ χρυσὸσ αὐτῷ τἀμὰ καὶ Φρυγῶν κακὰ δόξει ποτ’ εἶναι. δέκα γὰρ ἐκπλήσασ ἔτη πρὸσ τοῖσιν ἐνθάδ’, ἵξεται μόνοσ πάτραν . . . . . . . οὗ δὴ στενὸν δίαυλον ᾤκισται πέτρασ δεινὴ Χάρυβδισ, ὠμοβρώσ τ’ ὀρειβάτησ Κύκλωψ, Λιγυστίσ θ’ ἡ συῶν μορφώτρια Κίρκη, θαλάσσησ θ’ ἁλμυρᾶσ ναυάγια, λωτοῦ τ’ ἔρωτεσ, Ἡλίου θ’ ἁγναὶ βόεσ, αἳ σάρκα φωνήεσσαν ἥσουσίν ποτε, πικρὰν Ὀδυσσεῖ γῆρυν. ὡσ δὲ συντέμω, ζῶν εἶσ’ ἐσ Αἵδου κἀκφυγὼν λίμνησ ὕδωρ κάκ’ ἐν δόμοισι μυρί’ εὑρήσει μολών.

일치하는 문장이 없습니다.

SEARCH

MENU NAVIGATION