Euripides, The Trojan Women, choral, lyric

(에우리피데스, The Trojan Women, choral, lyric)

πρῷραι ναῶν, ὠκείαισ Ἴλιον ἱερὰν αἳ κώπαισ δι’ ἅλα πορφυροειδέα καὶ λιμένασ Ἑλλάδοσ εὐόρμουσ αὐλῶν παιᾶνι στυγνῷ συρίγγων τ’ εὐφθόγγων φωνᾷ βαίνουσαι πλεκτὰν Αἰγύπτου παιδείαν ἐξηρτήσασθ’, αἰαῖ, Τροίασ ἐν κόλποισ τὰν Μενελάου μετανισόμεναι στυγνὰν ἄλοχον, Κάστορι λώβαν τῷ τ’ Εὐρώτᾳ δυσκλείαν, ἃ σφάζει μὲν τὸν πεντήκοντ’ ἀροτῆρα τέκνων Πρίαμον, ἐμέ τε μελέαν Ἑκάβαν ἐσ τάνδ’ ἐξώκειλ’ ἄταν. ὤμοι, θάκουσ οἱούσ θάσσω, σκηναῖσ ἐφέδρουσ Ἀγαμεμνονίαισ. δούλα δ’ ἄγομαι γραῦσ ἐξ οἴκων πενθήρη κρᾶτ’ ἐκπορθηθεῖσ’ οἰκτρῶσ. ἀλλ’ ὦ τῶν χαλκεγχέων Τρώων ἄλοχοι μέλεαι, καὶ κοῦραι <κοῦραι> δύσνυμφοι, τύφεται Ἴλιον, αἰάζωμεν. μάτηρ δ’ ὡσεί τισ πτανοῖσ ὄρνισιν, ὅπωσ ἐξάρξω ’γὼ κλαγγάν, μολπάν, οὐ τὰν αὐτὰν οἱάν ποτὲ δὴ σκήπτρῳ Πριάμου διερειδομένα ποδὸσ ἀρχεχόρου πληγαῖσ Φρυγίουσ εὐκόμποισ ἐξῆρχον θεούσ.

일치하는 문장이 없습니다.

SEARCH

MENU NAVIGATION