Euripides, Suppliants, episode, strophe 1

τί φέγγοσ, τίν’ αἴγλαν ἐδίφρευε τόθ’ ἅλιοσ σελάνα τε κατ’ αἰθέρα, λαμπάδ’ ἵν’ ὠκυθόαι νύμφαι, ἱππεύουσι δι’ ὀρφναίασ, ἁνίκα <γάμων> γάμων τῶν ἐμῶν πόλισ Ἄργουσ ἀοιδάσ, εὐδαιμονίασ, ἐπύργωσε καὶ γαμέτα χαλκεοτευχοῦσ, αἰαῖ, Καπανέωσ. πρόσ σ’ ἔβαν δρομὰσ ἐξ ἐμῶν οἴκων ἐκβακχευσαμένα, πυρᾶσ φῶσ τάφον τε βατεύσουσα τὸν αὐτόν, ἐσ Αἵδαν καταλύσουσ’ ἔμμοχθον βίοτον αἰῶνόσ τε πόνουσ· ἥδιστοσ γάρ τοι θάνατοσ συνθνῄσκειν θνῄσκουσι φίλοισ, εἰ δαίμων τάδε κραίνοι.