헬라어 문장 검색 - ΕυριπίΣυππλιά09́0́0́

(에우리피데스, Suppliants, episode)

μέλλων σ’ ἐρωτᾶν, ἡνίκ’ ἐξήντλεισ στρατῷ γόουσ, ἀφήσω· τοὺσ ἐκεῖ μὲν ἐκλιπὼν εἰάσα μύθουσ, νῦν δ’ Ἄδραστον εἰσορῶ· πόθεν ποθ’ οἵδε διαπρεπεῖσ εὐψυχίᾳ θνητῶν ἔφυσαν; εἰπέ γ’ ὡσ σοφώτεροσ νέοισιν ἀστῶν τῶνδ’· ἐπιστήμων γὰρ εἶ. εἶδον γὰρ αὐτῶν κρείσσον’ ἢ λέξαι λόγῳ τολμήμαθ’, οἷσ ἤλπιζον αἱρήσειν πόλιν. ἓν δ’ οὐκ ἐρήσομαί σε, μὴ γέλωτ’ ὄφλω, ὅτῳ ξυνέστη τῶνδ’ ἕκαστοσ ἐν μάχῃ ἢ τραῦμα λόγχησ πολεμίων ἐδέξατο. κενοὶ γὰρ οὗτοι τῶν τ’ ἀκουόντων λόγοι καὶ τοῦ λέγοντοσ, ὅστισ ἐν μάχῃ βεβὼσ λόγχησ ἰούσησ πρόσθεν ὀμμάτων πυκνῆσ σαφῶσ ἀπήγγειλ’ ὅστισ ἐστὶν ἁγαθόσ. οὐκ ἂν δυναίμην οὔτ’ ἐρωτῆσαι τάδε οὔτ’ αὖ πιθέσθαι τοῖσι τολμῶσιν λέγειν· μόλισ γὰρ ἄν τισ αὐτὰ τἀναγκαῖ’ ὁρᾶν δύναιτ’ ἂν ἑστὼσ πολεμίοισ ἐναντίοσ. ἄκουε δή νυν· καὶ γὰρ οὐκ ἄκοντί μοι δίδωσ ἔπαινον ὧν ἔγωγε βούλομαι φίλων ἀληθῆ καὶ δίκαι’ εἰπεῖν πέρι. ὁρᾷσ τὸν ἁβρόν, οὗ βέλοσ διέπτατο; Καπανεὺσ ὅδ’ ἐστίν· ᾧ βίοσ μὲν ἦν πολύσ, ἥκιστα δ’ ὄλβῳ γαῦροσ ἦν· φρόνημα δὲ οὐδέν τι μεῖζον εἶχεν ἢ πένησ ἀνήρ, φεύγων τραπέζαισ ὅστισ ἐξογκοῖτ’ ἄγαν τἀρκοῦντ’ ἀτίζων· οὐ γὰρ ἐν γαστρὸσ βορᾷ τὸ χρηστὸν εἶναι, μέτρια δ’ ἐξαρκεῖν ἔφη. φίλοισ τ’ ἀληθὴσ ἦν φίλοσ, παροῦσί τε καὶ μὴ παροῦσιν· ὧν ἀριθμὸσ οὐ πολύσ. ἀψευδὲσ ἦθοσ, εὐπροσήγορον στόμα, ἄκραντον οὐδὲν οὔτ’ ἐσ οἰκέτασ ἔχων οὔτ’ ἐσ πολίτασ. τὸν δὲ δεύτερον λέγω Ἐτέοκλον, ἄλλην χρηστότητ’ ἠσκηκότα· νεανίασ ἦν τῷ βίῳ μὲν ἐνδεήσ, πλείστασ δὲ τιμὰσ ἔσχ’ ἐν Ἀργείᾳ χθονί. φίλων δὲ χρυσὸν πολλάκισ δωρουμένων οὐκ εἰσεδέξατ’ οἶκον ὥστε τοὺσ τρόπουσ δούλουσ παρασχεῖν χρημάτων ζευχθεὶσ ὕπο. τοὺσ δ’ ἐξαμαρτάνοντασ, οὐχὶ τὴν πόλιν ἤχθαιρ’· ἐπεί τοι κοὐδὲν αἰτία πόλισ κακῶσ κλύουσα διὰ κυβερνήτην κακόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Suppliants, episode

(에우리피데스, Suppliants, episode)

상위

목록

SEARCH

MENU NAVIGATION