Euripides, Suppliants, episode

(에우리피데스, Suppliants, episode)

γυναῖκεσ, ἥκω πόλλ’ ἔχων λέγειν φίλα, αὐτόσ τε σωθείσ· ᾑρέθην γὰρ ἐν μάχῃ, ἣν οἱ θανόντων ἑπτὰ δεσποτῶν λόχοι ἠγωνίσαντο ῥεῦμα Διρκαῖον πάρα· νίκην τε Θησέωσ ἀγγελῶν. λόγου δέ σε μακροῦ ἀποπαύσω· Καπανέωσ γὰρ ἦ λάτρισ, ὃν Ζεὺσ κεραυνῷ πυρπόλῳ καταιθαλοῖ. ὦ φίλτατ’, εὖ μὲν νόστον ἀγγέλλεισ σέθεν τήν τ’ ἀμφὶ Θησέωσ βάξιν· εἰ δὲ καὶ στρατὸσ σῶσ ἐστ’ Ἀθηνῶν, πάντ’ ἂν ἀγγέλλοισ φίλα. σῶσ, καὶ πέπραγεν ὡσ Ἄδραστοσ ὤφελεν πρᾶξαι ξὺν Ἀργείοισιν, οὓσ ἀπ’ Ἰνάχου στείλασ ἐπεστράτευσε Καδμείων πόλιν. πῶσ γὰρ τροπαῖα Ζηνὸσ Αἰγέωσ τόκοσ ἔστησεν οἵ τε συμμετασχόντεσ δορόσ; λέξον· παρὼν γὰρ οὐ παρόντασ εὐφρανεῖσ. λαμπρὰ μὲν ἀκτὶσ ἡλίου, κανὼν σαφήσ, ἔβαλλε γαῖαν· ἀμφὶ δ’ Ἠλέκτρασ πύλασ ἔστην θεατὴσ πύργον εὐαγῆ λαβών. ὁρῶ δὲ φῦλα τρία τριῶν στρατευμάτων· τευχεσφόρον μὲν λαὸν ἐκτείνοντ’ ἄνω Ἰσμήνιον πρὸσ ὄχθον, ὡσ μὲν ἦν λόγοσ, αὐτόν τ’ ἄνακτα, παῖδα κλεινὸν Αἰγέωσ, καὶ τοὺσ σὺν αὐτῷ, δεξιὸν τεταγμένουσ κέρασ, παλαιᾶσ Κεκροπίασ <τ’> οἰκήτορασ, ἴσουσ ἀριθμόν· ἁρμάτων δ’ ὀχήματα αὐτόν τε Πάραλον ἐστολισμένον δορὶ κρήνην παρ’ αὐτὴν Ἄρεοσ· ἱππότην δ’ ὄχλον πρὸσ κρασπέδοισι στρατοπέδου τεταγμένον. Κάδμου δὲ λαὸσ ἧστο πρόσθε τειχέων, νεκροὺσ ὄπισθεν θέμενοσ, ὧν ἔκειτ’ ἀγών, ἔνερθε σεμνῶν μνημάτων Ἀμφίονοσ. ἱππεῦσι δ’ ἱππῆσ ἦσαν ἀνθωπλισμένοι τετραόροισί τ’ ἀντί’ ἁρ́μαθ’ ἁρ́μασιν. κῆρυξ δὲ Θησέωσ εἶπεν ἐσ πάντασ τάδε· Σιγᾶτε, λαοί· σῖγα, Καδμείων στίχεσ, ἀκούσαθ’· ἡμεῖσ ἥκομεν νεκροὺσ μέτα, θάψαι θέλοντεσ, τὸν Πανελλήνων νόμον σῴζοντεσ, οὐδὲν δεόμενοι τεῖναι φόνον.

일치하는 문장이 없습니다.

SEARCH

MENU NAVIGATION