Euripides, Suppliants, episode

(에우리피데스, Suppliants, episode)

τίνων γόων ἤκουσα καὶ στέρνων κτύπον νεκρῶν τε θρήνουσ, τῶνδ’ ἀνακτόρων ἄπο ἠχοῦσ ἰούσησ; ὡσ φόβοσ μ’ ἀναπτεροῖ μή μοί τι μήτηρ, ἣν μεταστείχω ποδί, χρονίαν ἀποῦσαν ἐκ δόμων ἔχῃ νέον. ἐά· τί χρῆμα; καινὰσ ἐσβολὰσ ὁρῶ λόγων· μητέρα γεραιὰν βωμίαν ἐφημένην ξένουσ θ’ ὁμοῦ γυναῖκασ, οὐχ ἕνα ῥυθμὸν κακῶν ἐχούσασ· ἔκ τε γὰρ γερασμίων ὄσσων ἐλαύνουσ’ οἰκτρὸν ἐσ γαῖαν δάκρυ, κουραί τε καὶ πεπλώματ’ οὐ θεωρικά. τί ταῦτα, μῆτερ; σὸν τὸ μηνύειν ἐμοί, ἡμῶν δ’ ἀκούειν· προσδοκῶ τι γὰρ νέον. ὦ παῖ, γυναῖκεσ αἵδε μητέρεσ τέκνων τῶν κατθανόντων ἀμφὶ Καδμείασ πύλασ ἑπτὰ στρατηγῶν· ἱκεσίοισ δὲ σὺν κλάδοισ φρουροῦσί μ’, ὡσ δέδορκασ, ἐν κύκλῳ, τέκνον. τίσ δ’ ὁ στενάζων οἰκτρὸν ἐν πύλαισ ὅδε; Ἄδραστοσ, ὡσ λέγουσιν, Ἀργείων ἄναξ. οἱ δ’ ἀμφὶ τόνδε παῖδεσ; ἦ τούτων τέκνα; οὔκ, ἀλλὰ νεκρῶν τῶν ὀλωλότων κόροι. τί γὰρ πρὸσ ἡμᾶσ ἦλθον ἱκεσίᾳ χερί; οἶδ’· ἀλλὰ τῶνδε μῦθοσ οὑντεῦθεν, τέκνον. σὲ τὸν κατήρη χλανιδίοισ ἀνιστορῶ. λέγ’ ἐκκαλύψασ κρᾶτα καὶ πάρεσ γόον· πέρασ γὰρ οὐδὲν μὴ διὰ γλώσσησ ἰόν.

상위

Suppliants

목록

일치하는 문장이 없습니다.

SEARCH

MENU NAVIGATION