Euripides, Rhesus, episode, iambic

(에우리피데스, Rhesus, episode, iambic)

τοιαῦτα μέν σοι τῆσ μακρᾶσ ἀπουσίασ πρᾶξαι παρέξω ‐ σὺν δ’ Ἀδραστείᾳ λέγω ‐ ἐπειδἂν ἐχθρῶν τήνδ’ ἐλευθέραν πόλιν θῶμεν θεοῖσί τ’ ἀκροθίνι’ ἐξέλῃσ, ξὺν σοὶ στρατεύειν γῆν ἐπ’ Ἀργείων θέλω καὶ πᾶσαν ἐλθὼν Ἑλλάδ’ ἐκπέρσαι δορί, ὡσ ἂν μάθωσιν ἐν μέρει πάσχειν κακῶσ. ἀλλ’ εἴτε λαιὸν εἴτε δεξιὸν κέρασ εἴτ’ ἐν μέσοισι συμμάχοισ πάρεστί σοι πέλτην ἐρεῖσαι καὶ καταστῆσαι στρατόν. εἰ τοῦ παρόντοσ τοῦδ’ ἀπαλλαχθεὶσ κακοῦ πόλιν νεμοίμην ὡσ τὸ πρίν ποτ’ ἀσφαλῆ, ἦ κάρτα πολλὴν θεοῖσ ἂν εἰδείην χάριν. τὰ δ’ ἀμφί τ’ Ἄργοσ καὶ νομὸν τὸν Ἑλλάδοσ οὐχ ὧδε πορθεῖν ῥᾴδι’, ὡσ λέγεισ, δορί. οὐ τούσδ’ ἀριστέασ φασὶν Ἑλλήνων μολεῖν; κοὐ μεμφόμεσθά γ’, ἀλλ’ ἄδην ἐλαύνομεν. οὐκ οὖν κτανόντεσ τούσδε πᾶν εἰργάσμεθα; μή νυν τὰ πόρρω τἀγγύθεν μεθεὶσ σκόπει. ἀρκεῖν ἐοίκέ σοι παθεῖν, δρᾶσαι δὲ μή. πολλῆσ γὰρ ἄρχω κἀνθάδ’ ὢν τυραννίδοσ. μόνοσ μάχεσθαι πολεμίοισ, Ἕκτορ, θέλω.

εἰ δ’ αἰσχρὸν ἡγῇ μὴ συνεμπρῆσαι νεῶν πρύμνασ, πονήσασ τὸν πάροσ πολὺν χρόνον, τάξον μ’ Ἀχιλλέωσ καὶ στρατοῦ κατὰ στόμα. οὐκ ἔστ’ ἐκείνῳ θοῦρον ἐντάξαι δόρυ. καὶ μὴν λόγοσ γ’ ἦν ὡσ ἔπλευσ’ ἐπ’ Ἴλιον. ἔπλευσε καὶ πάρεστιν· ἀλλὰ μηνίων στρατηλάταισιν οὐ συναίρεται δόρυ. τίσ δὴ μετ’ αὐτὸν ἄλλοσ εὐδοξεῖ στρατοῦ; Αἰάσ ἐμοὶ μὲν οὐδὲν ἡσσᾶσθαι δοκεῖ χὡ Τυδέωσ παῖσ· ἔστι δ’ αἱμυλώτατον κρότημ’ Ὀδυσσεύσ, λῆμά τ’ ἀρκούντωσ θρασὺσ καὶ πλεῖστα χώραν τήνδ’ ἀνὴρ καθυβρίσασ· ὃσ εἰσ Ἀθάνασ σηκὸν ἔννυχοσ μολὼν κλέψασ ἄγαλμα ναῦσ ἐπ’ Ἀργείων φέρει. ἤδη δ’ ἀγύρτησ πτωχικὴν ἔχων στολὴν ἐσῆλθε πύργουσ, πολλὰ δ’ Ἀργείοισ κακὰ ἠρᾶτο, πεμφθεὶσ Ἰλίου κατάσκοποσ· κτανὼν δὲ φρουροὺσ καὶ παραστάτασ πυλῶν ἐξῆλθεν· αἰεὶ δ’ ἐν λόχοισ εὑρίσκεται Θυμβραῖον ἀμφὶ βωμὸν ἄστεωσ πέλασ θάσσων· κακῷ δὲ μερμέρῳ παλαίομεν. οὐδεὶσ ἀνὴρ εὔψυχοσ ἀξιοῖ λάθρᾳ κτεῖναι τὸν ἐχθρόν, ἀλλ’ ἰὼν κατὰ στόμα. τοῦτον δ’ ὃν ἵζειν φὴσ σὺ κλωπικὰσ ἕδρασ καὶ μηχανᾶσθαι, ζῶντα συλλαβὼν ἐγὼ πυλῶν ἐπ’ ἐξόδοισιν ἀμπείρασ ῥάχιν στήσω πετεινοῖσ γυψὶ θοινατήριον. λῃστὴν γὰρ ὄντα καὶ θεῶν ἀνάκτορα συλῶντα δεῖ νιν τῷδε κατθανεῖν μόρῳ. νῦν μὲν καταυλίσθητε· καὶ γὰρ εὐφρόνη. δείξω δ’ ἐγώ σοι χῶρον, ἔνθα χρὴ στρατὸν τὸν σὸν νυχεῦσαι τοῦ τεταγμένου δίχα. ξύνθημα δ’ ἡμῖν Φοῖβοσ, ἤν τι καὶ δέῃ· μέμνησ’ ἀκούσασ, Θρῃκί τ’ ἄγγειλον στρατῷ. ὑμᾶσ δὲ βάντασ χρὴ προταινὶ τάξεων φρουρεῖν ἐγερτὶ καὶ νεῶν κατάσκοπον δέχθαι Δόλωνα· καὶ γάρ, εἴπερ ἐστὶ σῶσ, ἤδη πελάζει στρατοπέδοισι Τρωικοῖσ.

상위

Rhesus

목록

SEARCH

MENU NAVIGATION