호흡부호 보기
강세부호 보기
장단부호 보기
작은 Iota 보기
모든 부호 보기
στείχοιμ’ ἄν· ἐλθὼν <δ’> ἐσ δόμουσ ἐφέστιοσ σκευῇ πρεπόντωσ σῶμ’ ἐμὸν καθάψομαι, κἀκεῖθεν ἥσω ναῦσ ἐπ’ Ἀργείων πόδα. ἐπεὶ τίν’ ἄλλην ἀντὶ τῆσδ’ ἕξεισ στολήν; πρέπουσαν ἔργῳ κλωπικοῖσ τε βήμασι. σοφοῦ παρ’ ἀνδρὸσ χρὴ σοφόν τι μανθάνειν· λέξον, τίσ ἔσται τοῦδε σώματοσ σαγή; λύκειον ἀμφὶ νῶτ’ ἐνάψομαι δορὰν καὶ χάσμα θηρὸσ ἀμφ’ ἐμῷ θήσω κάρᾳ, βάσιν τε χερσὶ προσθίαν καθαρμόσασ καὶ κῶλα κώλοισ, τετράπουν μιμήσομαι λύκου κέλευθον πολεμίοισ δυσεύρετον, τάφροισ πελάζων καὶ νεῶν προβλήμασιν. ὅταν δ’ ἔρημον χῶρον ἐμβαίνω ποδί, δίβαμοσ εἶμι· τῇδε σύγκειται δόλοσ. ἀλλ’ εὖ σ’ ὁ Μαίασ παῖσ ἐκεῖσε καὶ πάλιν πέμψειεν Ἑρμῆσ, ὅσ γε φηλητῶν ἄναξ. ἔχεισ δὲ τοὔργον· εὐτυχεῖν μόνον σε δεῖ. σωθήσομαί γε καὶ κτανὼν Ὀδυσσέωσ οἴσω κάρα σοι ‐ σύμβολον δ’ ἔχων σαφὲσ φήσεισ Δόλωνα ναῦσ ἐπ’ Ἀργείων μολεῖν ‐ ἢ παῖδα Τυδέωσ· οὐδ’ ἀναιμάκτῳ χερὶ ἥξω πρὸσ οἴκουσ πρὶν φάοσ μολεῖν χθόνα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기