헬라어 문장 검색 - ΕυριπίΡηεσυσ́2́2́

(에우리피데스, Rhesus, episode, iambic)

νικᾶτ’, ἐπειδὴ πᾶσιν ἁνδάνει τάδε. στείχων δὲ κοίμα συμμάχουσ· τάχ’ ἂν στρατὸσ κινοῖτ’ ἀκούσασ νυκτέρουσ ἐκκλησίασ. ἐγὼ δὲ πέμψω πολεμίων κατάσκοπον. κἂν μέν τιν’ ἐχθρῶν μηχανὴν πυθώμεθα, σὺ πάντ’ ἀκούσῃ καὶ παρὼν εἴσῃ λόγον· ἐὰν δ’ ἀπαίρωσ’ ἐσ φυγὴν ὁρμώμενοι, σάλπιγγοσ αὐδὴν προσδοκῶν καραδόκει, ὡσ οὐ μενοῦντά μ’· ἀλλὰ προσμείξω νεῶν ὁλκοῖσι νυκτὸσ τῆσδ’ ἐπ’ Ἀργείων στρατῷ. πέμφ’ ὡσ τάχιστα· νῦν γὰρ ἀσφαλῶσ φρονεῖσ. σὺν σοὶ δ’ ἔμ’ ὄψῃ καρτεροῦνθ’, ὅταν δέῃ. τίσ δῆτα Τρώων οἳ πάρεισιν ἐν λόγῳ θέλει κατόπτησ ναῦσ ἐπ’ Ἀργείων μολεῖν; τίσ ἂν γένοιτο τῆσδε γῆσ εὐεργέτησ; τίσ φησιν; οὔτοι πάντ’ ἐγὼ δυνήσομαι πόλει πατρῴᾳ συμμάχοισ θ’ ὑπηρετεῖν. ἐγὼ πρὸ γαίασ τόνδε κίνδυνον θέλω ῥίψασ κατόπτησ ναῦσ ἐπ’ Ἀργείων μολεῖν, καὶ πάντ’ Ἀχαιῶν ἐκμαθὼν βουλεύματα ἥξω· ἐπὶ τούτοισ τόνδ’ ὑφίσταμαι πόνον. ἐπώνυμοσ μὲν κάρτα καὶ φιλόπτολισ Δόλων· πατρὸσ δὲ καὶ πρὶν εὐκλεᾶ δόμον νῦν δὶσ τόσωσ ἔθηκασ εὐκλεέστερον. οὐκοῦν πονεῖν μὲν χρή, πονοῦντα δ’ ἄξιον μισθὸν φέρεσθαι. παντὶ γὰρ προσκείμενον κέρδοσ πρὸσ ἔργῳ τὴν χάριν τίκτει διπλῆν. ναί, καὶ δίκαια ταῦτα κοὐκ ἄλλωσ λέγω. τάξαι δὲ μισθόν, πλὴν ἐμῆσ τυραννίδοσ. οὐ σῆσ ἐρῶμεν πολιόχου τυραννίδοσ. σὺ δ’ ἀλλὰ γήμασ Πριαμιδῶν γαμβρὸσ γενοῦ. οὐδ’ ἐξ ἐμαυτοῦ μειζόνων γαμεῖν θέλω. χρυσὸσ πάρεστιν, εἰ τόδ’ αἰτήσεισ γέρασ. ἀλλ’ ἔστ’ ἐν οἴκοισ· οὐ βίου σπανίζομεν. τί δῆτα χρῄζεισ ὧν κέκευθεν Ἴλιοσ; ἑλὼν Ἀχαιοὺσ δῶρά μοι ξυναίνεσον. δώσω· σὺ δ’ αἴτει πλὴν στρατηλάτασ νεῶν. κτεῖν’, οὔ σ’ ἀπαιτῶ Μενέλεω σχέσθαι χέρα. οὐ μὴν τὸν Ἰλέωσ παῖδά μ’ ἐξαιτῇ λαβεῖν; κακαὶ γεωργεῖν χεῖρεσ εὖ τεθραμμέναι. τίν’ οὖν Ἀχαιῶν ζῶντ’ ἀποινᾶσθαι θέλεισ; καὶ πρόσθεν εἶπον· ἔστι χρυσὸσ ἐν δόμοισ. καὶ μὴν λαφύρων γ’ αὐτὸσ αἱρήσῃ παρών. θεοῖσιν αὐτὰ πασσάλευε πρὸσ δόμοισ. τί δῆτα μεῖζον τῶνδέ μ’ αἰτήσεισ γέρασ; ἵππουσ Ἀχιλλέωσ· χρὴ δ’ ἐπ’ ἀξίοισ πονεῖν ψυχὴν προβάλλοντ’ ἐν κύβοισι δαίμονοσ. καὶ μὴν ἐρῶντί γ’ ἀντερᾷσ ἵππων ἐμοί· ἐξ ἀφθίτων γὰρ ἄφθιτοι πεφυκότεσ τὸν Πηλέωσ φέρουσι θούριον γόνον· δίδωσι δ’ αὐτοὺσ πωλοδαμνήσασ ἄναξ Πηλεῖ Ποσειδῶν, ὡσ λέγουσι, πόντιοσ. ἀλλ’ οὔ σ’ ἐπάρασ ψεύσομαι· δώσω δέ σοι, κάλλιστον οἴκοισ κτῆμ’, Ἀχιλλέωσ ὄχον. αἰνῶ· λαβὼν δ’ ἄν φημι κάλλιστον Φρυγῶν δῶρον δέχεσθαι τῆσ ἐμῆσ εὐσπλαγχνίασ. σὲ δ’ οὐ φθονεῖν χρή· μυρί’ ἔστιν ἄλλα σοι, ἐφ’ οἷσι τέρψῃ τῆσδ’ ἀριστεύων χθονόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Euripides, Rhesus, episode, iambic

(에우리피데스, Rhesus, episode, iambic)

상위

목록

SEARCH

MENU NAVIGATION