Euripides, Rhesus, episode, iambic

(에우리피데스, Rhesus, episode, iambic)

νικᾶτ’, ἐπειδὴ πᾶσιν ἁνδάνει τάδε. στείχων δὲ κοίμα συμμάχουσ· τάχ’ ἂν στρατὸσ κινοῖτ’ ἀκούσασ νυκτέρουσ ἐκκλησίασ. ἐγὼ δὲ πέμψω πολεμίων κατάσκοπον. κἂν μέν τιν’ ἐχθρῶν μηχανὴν πυθώμεθα, σὺ πάντ’ ἀκούσῃ καὶ παρὼν εἴσῃ λόγον· ἐὰν δ’ ἀπαίρωσ’ ἐσ φυγὴν ὁρμώμενοι, σάλπιγγοσ αὐδὴν προσδοκῶν καραδόκει, ὡσ οὐ μενοῦντά μ’· ἀλλὰ προσμείξω νεῶν ὁλκοῖσι νυκτὸσ τῆσδ’ ἐπ’ Ἀργείων στρατῷ. πέμφ’ ὡσ τάχιστα· νῦν γὰρ ἀσφαλῶσ φρονεῖσ. σὺν σοὶ δ’ ἔμ’ ὄψῃ καρτεροῦνθ’, ὅταν δέῃ. τίσ δῆτα Τρώων οἳ πάρεισιν ἐν λόγῳ θέλει κατόπτησ ναῦσ ἐπ’ Ἀργείων μολεῖν; τίσ ἂν γένοιτο τῆσδε γῆσ εὐεργέτησ; τίσ φησιν; οὔτοι πάντ’ ἐγὼ δυνήσομαι πόλει πατρῴᾳ συμμάχοισ θ’ ὑπηρετεῖν. ἐγὼ πρὸ γαίασ τόνδε κίνδυνον θέλω ῥίψασ κατόπτησ ναῦσ ἐπ’ Ἀργείων μολεῖν, καὶ πάντ’ Ἀχαιῶν ἐκμαθὼν βουλεύματα ἥξω· ἐπὶ τούτοισ τόνδ’ ὑφίσταμαι πόνον. ἐπώνυμοσ μὲν κάρτα καὶ φιλόπτολισ Δόλων· πατρὸσ δὲ καὶ πρὶν εὐκλεᾶ δόμον νῦν δὶσ τόσωσ ἔθηκασ εὐκλεέστερον. οὐκοῦν πονεῖν μὲν χρή, πονοῦντα δ’ ἄξιον μισθὸν φέρεσθαι. παντὶ γὰρ προσκείμενον κέρδοσ πρὸσ ἔργῳ τὴν χάριν τίκτει διπλῆν. ναί, καὶ δίκαια ταῦτα κοὐκ ἄλλωσ λέγω. τάξαι δὲ μισθόν, πλὴν ἐμῆσ τυραννίδοσ. οὐ σῆσ ἐρῶμεν πολιόχου τυραννίδοσ. σὺ δ’ ἀλλὰ γήμασ Πριαμιδῶν γαμβρὸσ γενοῦ. οὐδ’ ἐξ ἐμαυτοῦ μειζόνων γαμεῖν θέλω. χρυσὸσ πάρεστιν, εἰ τόδ’ αἰτήσεισ γέρασ. ἀλλ’ ἔστ’ ἐν οἴκοισ· οὐ βίου σπανίζομεν. τί δῆτα χρῄζεισ ὧν κέκευθεν Ἴλιοσ; ἑλὼν Ἀχαιοὺσ δῶρά μοι ξυναίνεσον. δώσω· σὺ δ’ αἴτει πλὴν στρατηλάτασ νεῶν. κτεῖν’, οὔ σ’ ἀπαιτῶ Μενέλεω σχέσθαι χέρα. οὐ μὴν τὸν Ἰλέωσ παῖδά μ’ ἐξαιτῇ λαβεῖν; κακαὶ γεωργεῖν χεῖρεσ εὖ τεθραμμέναι. τίν’ οὖν Ἀχαιῶν ζῶντ’ ἀποινᾶσθαι θέλεισ; καὶ πρόσθεν εἶπον· ἔστι χρυσὸσ ἐν δόμοισ. καὶ μὴν λαφύρων γ’ αὐτὸσ αἱρήσῃ παρών. θεοῖσιν αὐτὰ πασσάλευε πρὸσ δόμοισ. τί δῆτα μεῖζον τῶνδέ μ’ αἰτήσεισ γέρασ; ἵππουσ Ἀχιλλέωσ· χρὴ δ’ ἐπ’ ἀξίοισ πονεῖν ψυχὴν προβάλλοντ’ ἐν κύβοισι δαίμονοσ. καὶ μὴν ἐρῶντί γ’ ἀντερᾷσ ἵππων ἐμοί· ἐξ ἀφθίτων γὰρ ἄφθιτοι πεφυκότεσ τὸν Πηλέωσ φέρουσι θούριον γόνον· δίδωσι δ’ αὐτοὺσ πωλοδαμνήσασ ἄναξ Πηλεῖ Ποσειδῶν, ὡσ λέγουσι, πόντιοσ. ἀλλ’ οὔ σ’ ἐπάρασ ψεύσομαι· δώσω δέ σοι, κάλλιστον οἴκοισ κτῆμ’, Ἀχιλλέωσ ὄχον. αἰνῶ· λαβὼν δ’ ἄν φημι κάλλιστον Φρυγῶν δῶρον δέχεσθαι τῆσ ἐμῆσ εὐσπλαγχνίασ. σὲ δ’ οὐ φθονεῖν χρή· μυρί’ ἔστιν ἄλλα σοι, ἐφ’ οἷσι τέρψῃ τῆσδ’ ἀριστεύων χθονόσ.

상위

Rhesus

목록

SEARCH

MENU NAVIGATION